[A:427]de ltar bzhes nas rgyud 'dzin gyi bu slob dag la lam gyi rim pa ji ltar mthar phyin pa'i tshul lo//
1
dang po ni/ gang du 'khrungs pa'i yul dang/ rigs dang/ yab dang/ yum rnams ni rje gong ma nyid dang khyad par med la/ rje 'di nyid sa pho byi ba'i lo la sku 'khrungs pa na/ yab yum gyi lus sems bde bas khyab pa sogs ltas dang rten 'brel bzang po byung ba kho nar ma zad/ sgo mo rin po che bzang po dpal ba'i mnal lam du/ phyag 'kharbakhar gyi rtse mo mtho shos der/ nyi ma lhag gis shar ba'i tshe na/ dung phra sbom gsum phyogs su bus pa rmis/ 'di pa tshang la sde bdag khyad par can zhig 'byon pa'am/ nyi ma shar lugs la bltas na/ spyan snga kun rgyal ba dang 'dra ba'i rab byung zhig 'byon pa yin gsung bar 'dug pa la/ yab drung chen gyi gsung gis/ rin po che bas de ltar gsung 'dug kyang/ 'di lha spyan ras gzigs kyi sku la mdzub mo gtad nas ma Ni zer gyin 'dug pas/ ma Ni ba cig yong tshod du 'dug gsung la/ spyan snga rin po ches chos skyong la bka' bsgo mdzad nas/ mtshan chos skyong dpal ldan du btags/ de nas rang lo bdun pa la khu bo rnam gnyis kyi drung du dge bsnyen dang rab tu byung nas dge tshul du mdzad/ gnas kyi slob dpon rgyal ba phun tshogs la gtad nas/ tshig le'ur byas pa sum brgya pa dang lnga bcu pa la bslab sbyang dang spyod lam gyi rim pa bslabs/ rgyan rtsa 'grel gyi gzhung la brgya tshar song rjes/ ka bzhi pa bsod nams seng ges mdzub khrid pa mdzad nas/ rong Tig gi spyi don tshig don mtha' dag thugs su chud pa dang/ tshad ma rnam 'grel gyi gzhung byang chub par mdzad nas/ rgyal glang gnyis ka'i tshogs pa la chos gsungs/ bshad tshar gyi dga' ston dang rnam gzhag rgya chen mdzad/ de nas bzhugs pa'i mthil lo bcu tsam