[A:147]nas 'gyed dang bcas bsgrubs shing/ skyes yul du yang mar zho bcu gnyis/ thud zho gang/ phyag gser srang gang sogs ma'i nub tshab la dmigs pa'i 'bul skyel yang dag pa btang/ dus mchod bzang dpe la 'khyer ba rang byung zhing/ mdor na da lta tshe 'di'i bskyed ma la yang drin lan du slad 'dod med pa'i sems can thams cad byang chub la 'god par zhal gyis 'ches pa'i theg pa chen po pa rnams la bdag bcos ma ma yin pa'i zhe khrel gting nas skyes so//
de ltar du bran thon pa dang lhan du lam 'bras kyang grol/ khyi lo de nyiddrung pa chos rje bde bar gshegs nas/ lo bskor gcig song ba'i lo dus yin pas/ de la dmigs pa'i dge ba 'grub che ba gcig byung na snyam phu phag dgon par phyin/ sngar gyi dkyil 'khor lnga'i steng du/ chos rje sku mched pas gtso mdzad/ shar phyogs nas byon pa'i dge bshes gsar pa sha stag rnams kyis bde bar gshegs pa brgyad kyi thugs rje bskul ba sman bla'i mdo mchod/ nged rang gi rgyun ldan gyi grogs dge slong rnam pas mi 'khrugs pa lha dgu'i sgrub mchod dang bcas pa'i dkyil 'khor bdun zhal 'byed pa'i chog bsgrigs phyag len 'dzub 'khrid rnams nan chags su byas rjes/ sa ga'i tshes bcu la dkyil 'khor so so'i thig btab nas nyer lnga'i bar dkyil 'khor re re'i mthar yang gtsang zhing dag pa'i mar me lha bshos bzang zhing gya nom pa/ khyad par drung btsun pas gtso mdzad/ drung pa chos rje nyid kyi zhabs 'bring rgyun du bsten pa'i gzims gsol rnying pa 'gas gdung rten drung mar me'i phreng ba rgya che ba gasto bor bshams pa'i mchod pa rnam grangs dpag med dus