སྐྱེས་མཆོག་འཇམ་དབྱངས་རྣམ་རྒྱལ་རྗེས་སུ་དྲན་པའི་ཚིགས་ཀྱི་ཆུན་པོ། | Praise for Gene Smith

01/01
2013

Praise for Ellis Gene Smith (1936–2010)

skyes mchog 'jam dbyangs rnam rgyal rjes su dran pa'i tshigs kyi chun po/

1)
rgyal ba kun gyi ye shes sku/ /
'jam dpal dbyangs la phyag byas nas/ /
bdag gzhan ma rig mun pa las/ /
rnam par rgyal phyir 'dir 'jug bya/ /

2)
'di na rgyal ba'i bka' dang lung / /
'phags bod mkhas grub grangs med pa'i/ /
mtha' yas gsung rab sgyu skar tshogs/ /
sgyu 'phrul mkha' yi ngos su 'char/ /

3)
e ma'o dpag med ngo mtshar gyi/ /
'phrul gyi bkod pa 'byams klas pa/ /
rnam par sprul pa'i byed pa po/ /
skyes mchog 'jam dbyangs rnam rgyal bstod/ /

4)
sngon gyi thub pa'i skyes rabs su/ /
dam chos tshigs su bcad phyir yang/ /
lus srog longs spyod yongs btang ba'i/ /
bya dka'i spyod pa rgya mtsho spyad/ /

5)
deng 'dir ngo mtshar 'phrul gyi gzhir/ /
ma lus rgyal ba'i bka' dang bstan/ /
mtha' yas gsung rab bye ba phrag /
cig car 'char ba 'di ko rmad/ /

7)
srid pa'i 'phrul gyi me long ngos/ /
sna tshogs chos kyi snang brnyan 'bum/ /
mngon par 'du ba'i byed po ni/ /
bsngags 'os bsngags shing drin yang dran/ /

8)
chos kyi sprin chen las 'byung ba'i/ /
byin brlabs sbrang char zim bu yis/ /
yid la sim pa'i dpal bskyed cing / /
kun rmongs srid pa'i gdung ba sel/ /

9)
bskal mang rnyed dka'i thub pa'i chos/ /
rnam mang dka' bas rab bsgrubs te/ /
grangs mang 'gro la sman pa'i phyir/ /
thabs mang 'phrul gyis spel la bstod/ /

10)
grangs med bskal pa bye ba ru/ /
bzod med dka' bas btsal gyur ba'i/ /
zla med gsung rab 'bum phrag kyang / /
'bad med ci dgar mjal 'dis tshengs/ /

11)
gang gi thugs bskyed las 'khrungs pa/ /
ngo mtshar chos kyi gter mdzod las/ /
'dzad med 'phrul gyi chos sbyin ni/ /
srid pa mthar byas de srid spel/ /

12)
bod kyi brda ru legs bsgyur ba'i/ /
snying po nang gi don bstan pa/ /
mtha' dag gsung rab dpe tshogs kyi/ /
lte gnas 'di yang rgyal gyur cig /

13)
skyes bu mchog de'i dgongs pa che/ /
ma lus lhun gyis grub pa dang / /
de yi sri zhur gtogs kun kyang / /
shin tu shis pa nyid gyur cig /

ces pa 'di ni skyes mchog dam pa de nyid kyi 'phrin las la snying nas gus shing / rjes su yi rang ba khyad par can byung ba brten rjes dran lo mchod 'bul ba'i dus dang bstun te rang gi yid 'dun mtshon pa'i phyir gong dkar ba blo gsal don grub kyis phyi lo 2011 zla ba 12 tshes 23 dge bar phyag bcas phul/ /