[B:5b]ba'i sngags 'chang chen por 'gyur yang / slad nas mnyan mgon zhal bzhi pa'i sgrub skor la ched du thugs 'dun pas/ de dag zhu ba'i bla ma gang bzang dmod bor te chos skyong la gsol ba btab dus/ rmi lam du [A:12]a tsa ra sngon po zhig byung nas "khyod 'dod pa'i chos de bla ma gnam kha'u pa pha gir yod pas der" zhus zer chos sde'i rgyab ri 'di bstan byung / de la bltas pas rgyab ri bya rog lding ba lta bur mthong zhing / sad pa na nges pa brtan po rnyed de/ rje 'di nyid kyi zhabs drung du byon nas chos skyong skor gyi sgrub skor cha lag dang bcas pa ma tshang ba med pa gsan pa yin no/
Birth as Bla ma dam pa
yang rjes su chos kyi rje dpal ldan bla ma dam pa'i sku'i skye ba yin par gsal te/ de nyid kyis bka' tha mar "bdag 'di nas 'phos te u rgyan gyi yul du skye ba gcig /de nas bod 'dir skye ba blangs te bstan pa'i bya ba lhag ma rnams bgyis" ces bstsal ba dang / de dang mthun par bsam yas su sku gdung zhugs la phul dus 'od kyi gong bu thag sgra dang bcas te gong dkar phyogs su songbla ma dam pa'i rnam thar/ zer ba chos rje bla ma nyid kyi rnam thar na yod pa ltar/ rje bla mas phyag len gyi rim pa rgyud 'grel sogs rje btsun gong ma'i bzhed pa ji lta ba bzhin gsal bar mdzad pa la/ phyis log smra 'ga' zhig gis cung zad bsgribs par snang ba yang mgon po 'di nyid kyis ched du rgyas par mdzad pas kyang grub pa [A:13]yin no/ /
Birth as Chos rje gzungs dpal
yang chos rje gzungs dpal gyi sprul par yang grags mod/ gtan tshigs kyi nges pa ma mthong ngo / /
smras pa/
'pho med go 'phang mngon gyur kyang / /
zhing khams rab 'byams mtha' yas par/ /
sprul pa'i mdzad pa grangs med kyis/ /
'gro rnams phan bde'i