[B:56b]byas/ /
mgon khyod sku gsum bde chen rnam rol yang / /
bu slob bdag cag ci bya gtol med gyur/ /
rje btsun chen po sgyu ma mi mdzad par/ /
slar yang thugs rje'i spyan rgyang sring du gsol/ /
slad nas kyang dad ldan rnams kyis sgo gsum 'jug pa gcig pa'i rnam dkar gyi bya ba [A:188]bgyis pa la gsol ba 'debs pa'i rten lhag mar gyur pa gdung rin po che'i za ma tog tu dar zab kyi na bza' du mas klubs shing / phyag mnyam gzhag gi steng du thod pa mtshan ldan gser nang mar grags pa rin po che'i rigs sna tshogs dang / 'bru sman la sogs pa du mas bkang ste phul nas bzhugs su gsol zhing / lha rdzas kyi na bza' sna tshogs pa dang / rin po che'i prog zhu dang / rgyan du mas mdzes par byas nas mchod pa'i sprin phung gi dbus su bzhugs par byas so/ /
rgyal sras dam pa ngag gi dbang phyug bzang po'i thugs dgongs rnam par dag pa'i mthu dang / dpal gnam sa'i dbang phyug mi'i dbang po chos kyi spyan ldan lha dbang kun dga'ི thugs kyi dad 'dun phun sum tshogs pa dang / bu slob che phra rnams kyis kyang ci 'byor gyi longs spyod 'khor gsum yongs su dag pas phul te/ rnyed pa dang bkur sti phun sum tshogs pas dgung zhag bdun phrag gi bar du/ bslab pa gsum gyis legs par mdzes shing / dbang gis rgyud smin par byas pa'i rig pa 'dzin pa'i dge 'dun brgya phrag du mas legs pa thams cad kyi yang rtse [A:189]dpal dang po'i sangs rgyas dus kyi 'khor lo dang / rgyud thams cad kyi snying po dpal kye rdo rjes gtso byas pa'i rgyud sde rab 'byams kyi dkyil 'khor zhal phye nas sgrub pa'i mchod pa dang / dpal ldan sa skya pa'i phyag len rnam par dag pa la brten pa'i bla ma mchod pa'i rim pa la sogs pa'i sgo nas/ bla ma rdo rje 'chang chen po'i dgongs pa yongs su skong ba'i rnam par dkar ba'i bya ba 'jig rten dang 'jig rten las 'das pa'i tshul rnams ni/ lugs gnyis kyiskyi