[B:60a]mgur chu'i rnam par srid pa gsum gyi bla ma'i bzo bos bkod pa'o/ /
de nas byang chub kyi yan lag bdun rnam par dag pa'i bum pa ni/ ting nge 'dzin rab 'byams bsam gyis mi khyab pa rgya mtsho'i dpal las grub pa'i rin po che dngul gyi bum pa la/ 'khor ba thog mtha' med pa'i dbyings su sems can gyi khams dang mnyam par 'jug pas de dang de'i don phra ba dang rags pa gang la'ang phyogs rigs su 'dzin pa dang bral ba'i brtson 'grus rgyun mi chad pa las byung ba'i dbyibs phun sum tshogs pa dang sdug bsngal ba'i dri ma'i rab rib skad cig kyang mi gnas pa'i dga' ba'i mdangs mchog tu 'bar ba dang / 'khor ba dang mya ngan las 'das pa chen po'i bar gyi chos thams cad rtse gcig tu mnyam par gzhag pas gnyis su snang ba'i shun pa'i rang rong mi mnga' ba'i ngos 'jam pa [A:201]dang ldan pa'i shin tu sbyangs pa dang / chos thams cad la ye shes kyi snang ba dam pa'i ros khyab pas mi sdug pa mi mnga' bar rang gi rgyan phul du byung ba'i phyi don du mdzes shing yid du 'ong ba'i drwa ba drwa phyed kyis brgyan pas rnam par 'byed pa dang / shes bya'i dkyil 'khor thams cad lkog tu ma gyur par mngon du dus gsum mnyam par dran pa'i rin po che du ma'i phra ma 'dres par bkod pas mchog tu brgyan pas dran pa dang / chos kyi dbyings mtha' dang dbus rnam pa thams cad dang bral ba'i zab gsal ye shes kyi dkyil 'khor chen po chos nyid don dam pa'i gnas lugs phyogs su lhung ba dang bral ba'i btang snyoms chen po'i dpal dang ldan pa'i bum khyim zlum po mtho zhing brjid chags pa'o/ / de'i nang ngos la dkar mo la sogs pa'i lha mo brgyad kyi bkod ris phun sum tshogs pa nye bar spras par byas shing / de nyid kyi dbus na rigs thams cad kyi khyab bdag chos kyi dbyings mtha' dang bral ba'i zhing rab 'byams su sku gsung thugs mi zad pa'i rnam 'phrul rgyun mi chad pa'i bkod pa thams cad pa/ gang gi sku'i rdul phra mo'i klong re re [A:202]na'ang dus gsum gyi de bzhin gshegs pa thams cad kyi zhing khams 'byams klas pa'i bkod