R1: chos kyi rje thams cad mkhyen pa rdo rje gdan pa chen po kun dga' rnam rgyal dpal bzang po'i rnam par thar pa ngo mtshar rin po che'i gter mdzod/ {bod yig glog rdul dpe cha/}

  • Pagination (Witness B): 62a
[B:62a]spel/ / zhes brjod bzhenzhen bskulskul lcag gis gzhus pa las/ / shin tu bya dka'i khur chen deng blangs te/ / gangs ri'i khrod du du ma'i 'gro rnams la/ / thugs rje'i chu rgyun rgyun mi chad pa yin/ / bla ma'i rnam thar thar 'dod mgul pa'i rgyan/ / kho bos spel legs legs bshad gtam gyis snyad/ / ji ltar yan lag phra mo'i srin bu yis/ / chu srin 'byung gnas gting mtha' 'tshol ba bzhin/ / rgyal ba mchog gi mdzad pa'i gsang mtha' la/ / bdag cag byis pa'i blo yang de 'dra nyid/ / lhun po'i gser ri khor yug bcas [A:208]pa'i sa/ / shes ldan su zhig rtswa rtse'i srang gis 'jal/ / de bzhin khyod kyi yon tan mkha' 'dra ba/ / rtogs la blo chen rnams kyang ngal ba'i gnas/ / 'on kyang mchog gi rin chen dum bu dang / / 'chi med bdud rtsi'i zil dngar thigs pas kyang / / 'dod dgu sbyin dang tsha gdung skyob pa yi/ / don chen 'gro mang dbus su byed pa ltar/ / rdzogs sangs rgyas kyang thugs rjes tha mal dang / / skal mnyam skur bstan thun mong mdzad pa las/ / nye tshe'i blo yis cung zad gcig bsdebs pa/ / 'di yang rnam kun don yod kho na yin/ / rnam dpyod blo mig phrag dog rab rib can/ / khyed cag dad pa'i mig sman bzang bsten te/ / gzu bo'i blo yis mdzad mchog 'di ltos la/ / rlabs chen byang chub spyod la goms par mdzod/ / bdag cag mi shes tshur mthong byis pa'i blos/ / rgyal ba'i mdzad bzang spel 'dir tshig don la/ / nongs pa gang mchis rje btsun bla ma dang / / mkhyen spyan yangs pa rnams kyis bzod 'tshal lo/ / tshul 'dir 'bad las rnam dag dge ba'i dngos/ / zla 'od dung dang pad rtsa ltar dkar ba/ / ci zhig bskrun de mkha' ltar cher spel nas/ / 'gro kun rje btsun go 'phang thob phyir [A:209]bsngo/ / bdag sogs deng nas srid pa thams cad du/ / bskal pa rgya mtshor mtshan tsam rnyed dka' ba/ / rdo rje 'chang dngos rje btsun zhabs kyi rdul/ / dad pa'i gtsug gis 'bral med bsten par shog / der ni sgo gsum bya ba thams cad kyang / / khyod mnyes bgyid pa gcig pu'i thabs gyur cing / / rnam thar rgya mtsho'i rjes su slob mkhas pas/ / khyod bstan 'dzin cing spel ba'i