[B:9a]yi/ /
dga' ston rnam mang 'gro la spel ba'i slad/ /
rgyal srid chos [A:23]kyis skyong mdzad skye dgu'i dpal/ /
mkha' 'gro'i lam srol chen po gsal mdzad rgyal/ /
'dam skyes 'dam gyis ma gos ltar/ /
'khor ba'i phun tshogs bde ba la/ /
nam yang chags pa med bzhin du/ /
lugs bzang skye bo'i rjes su zhugs/ /
Initial Studies, learing reading, writing, worldy shastras
de yang bdag cag gi bla ma 'jig rten mkhyen pa/ skye bu 'dul ba'i kha lo bsgyur ba 'dis/ sa chen chos bzhin skyong bas mnga' ris sogs skye dgu grangs med pa thabs mkhas pa'i spyod pa rmad du byung bas dge ba'i lam la gzud par bya ba'i phyir dang / 'jig rten gyi kha na ma tho ba spang ba'i slad du zas gtsang sras kyi mdzad pa dang kun nas mtshungs par re shig rgyal srid 'dzin pa'i tshul yang mdzad pa las/ sku cung zad nar son pa tsam nas kyang sngon gyi rigs sad pa'i stobs kyiskyi 'bri klog la sogs pa tshegs chung ngus ngang gis mkhyen pas/ mkhas shing grub pa brnyes pa'i skyes bu chen po mang du bskrun pa'i yum de'i thugs la/ 'jig rten gyi srid skyong ba zhig yong ngam dgongs te/ skye bo gso thigs dang / sa skya legs bshad dang / mi chos gnad phreng sogs rgya bod
kyi 'jig rten lugs kyi bstan bcos dang / rgya bod [A:24]kyi rgyal rabs dang /
gzhan yang nor bu brtag pa dang / rta brtag pa dang / skyes pa brtag pa/ bud med brtag pa/ gos brtag pa/ sa gzhi brtag pa/ tshal brtag pa/ go mtshon brtag pa ste brtag pa brgyad dang bcas pa rnams la thugs 'jug tu bcug pa na/ bka' mi bcag pa'i phyir sngon du de dag gzigs pa stsal ba tsam gyis 'bad pa chung ngus mkhyen cing / lkog tu bde bar gshegs pa'i gsung rab mtha' dag dang / rgya bod kyi mkhas pa'i bstan bcos mang po la gzigs/ khyad par du sa skya pa yab sras kyi gsung rab la shin tu