R1: chos kyi rje thams cad mkhyen pa rdo rje gdan pa chen po kun dga' rnam rgyal dpal bzang po'i rnam par thar pa ngo mtshar rin po che'i gter mdzod/ {bod yig glog rdul dpe cha/}
[B:13a]phyis ring mo zhig na bla brang mgon khang nas mchod cog gi gseng zhig nas rnyed pa las ji ltar byung ba bzhin bkod pa yin zhing / de'i gsham na zhag gcig gi chos spyod kyi rim pa snga mo byed pa kha cig ni bzhag la phyis med du mi rung ba 'ga' zhig bsnan du yod kyang 'di ni da ltar gyi rim pa'onot located/ / zhes pa gnang 'dug cing /gong 'og gi sngags rnams la rjes su [A:36]grangs 'di song gi nges pas ris kyi bsgril tho gnang 'dug pa rnams ni blos gzhal bar bya ba las 'das par 'dug pas/ dad ldan skal can rnams la smos ci 'tshal na'ang / bag chags ngan pa'i skye bo rnams la rang blo dang sbyar ba'i sdig ltortor gyur dogs ma bkod do/ /gzhan yang skal ba dang dad pa'i nor dang ldan pa rnams la 'doms par mdzad pa ni rgyud sde bzhi'i dbang bka' de dag so so'i grol byed kyi lam phra rags/ byin rlabs rjes gnang / rgyud bshad bka'/ lung rgyun/ sgrub dkyil gyi phyag len gyi rim pa sogs/ mdor na mdo sngags rgyud sde rgya mtsho'i nges gsang las byung ba'i chos kyi 'khor lo gsung gi gsang ba bsam gyis mi khyab pa dang / gsung rnam pa thams cad pa'i sgyu 'phrul ji lta ba bzhin du gdul bya rang rang gi khams dang / bsam pa dang dbang po dang / bag la nyal dang rjes su mthun par chos kyi 'khor lo rlabs po che bar med par bskor ba sogs mkhas pa'i bya ba rnam pa gsum gyi rol pas rgya mtsho chen por chu bo bzhin du mkhas pa dang / che ba dang / btsun pa dang / bzang ba la sogs pa rnams khengs pa'i ri bo las babs te/ lung [A:37]dang mngon par rtogs pa'i chos tshul gyi nor bu zad pa med pa'i rgya mtsho chen po 'dir 'dus shing tshim par mdzad pas thub pa'i bstan pa la ston pa gnyis pa ltar gyur te/ dzambu'i sgras mtshon pa'i sa'i khor yug gi khyon 'dir/ mdo dang sngags kyi tshul bla na med pa'i chos kyi nyi ma snyoms par