[B:13b]brdal te/ srid pa dang zhi ba'i dge legs kyi snang ba rgya chen pos khyab par mdzad do/ /
mdor na dam pa 'di ni gnas skabs gang du'ang chos gsung ba'am/ gsung rab mtha' dag la gzigs pa bstsal ba'am/ legs bshad kyi rtsom pa mdzad pa'am/ spros bcas spros med kyi thugs dam las mi g.yo ba'am/ rnal 'byor dang ldan pa'i gsol ba'i skabs tsam ma gtogs sku gsung thugs
thugthugs tha mal du gyur pa'i gnas skabs skad cig tsam yang zhabs 'bring pa shin tu nye bas kyang ma mthong ba ni mngon sum du gyur pa thams cad mthun par smra'o/ /
gzhan yang 'byor pa'i khyad par ji snyed cig yod pa dang / nyin re bzhin ji tsam phyag tu babs pa rnams kyang rang don du cung zad tsam yang mi spyod par sku gsung thugs kyi rten bzhengs pa dang / bla ma dkon mchog la rnyed [A:38]bkur dang / mchod pa'i yo byad 'bul ba dang / phongs pa la sbyin gtong mdzad pa min pa bar ma dor 'gyur ba med cing / mdor na rje btsun 'di ni thabs mkhas pa'i thugs rjes srid dang mnga' ris su gtogs pa'i bdog pa kun kyang ngang gis dkar phyogs su 'gro ba dang / rig byed du gyur ro cog gi 'du byed kyi grub 'bras dang / las la 'khol'khor'khol ba phra mo'i bar thams cad kyang rten gsum bzhengs pa dang / de dag la mchod rdzas kyi bye brag sgrub pa dang / dge 'dun gyi rnyed pa'i bya ba dang / gzhan la phan pa sogs kyi las kho na la 'jug pa'i don dang ldan pa nyid ma gtogs/ sdig ltor 'gyur ba dang / kha na ma tho ba'i las la 'jug mi dgos pas dam pa 'di nyid la cha tsam du 'brel tshad kyang don dang ldan pa yin no/ /
smras pa/
khams dang bsam pa'i khyad par ji bzhin du/ /
du ma'i mdzad pa bstan nas 'gro ba kun/ /
kun mkhyen sar 'god srid zhi'i 'jigs las skyob/ /
skyob pa mtshungs med skye dgu'i dpal du gyur/ /
mdo rgyud gsung rab rgyal ba'i dgongs pa bzhin/ /
dgongs nas de don gzhan