R1: chos kyi rje thams cad mkhyen pa rdo rje gdan pa chen po kun dga' rnam rgyal dpal bzang po'i rnam par thar pa ngo mtshar rin po che'i gter mdzod/ {bod yig glog rdul dpe cha/}

  • Pagination (Witness B): 21a
[B:21a]rtsa bdun gyi dkyil 'khor du jo bo lugs kyi dbang rdzogs pa/ rdo rje mi 'khrugs pa lha bcu gsum gyi dkyil 'khor du dbang rdzogs pa/ chos dbyings gsung dbang gi dkyil 'khor sgo bzhi sbrag lha grangs nyi brgya dang nyi shu rtsa dgu'i dkyil 'khor du dbang / spyod pa'i rgyud rnam snang mngon byang gi dkyil 'khor sgo sum sbrag lha brgya dang bcu dgu'i dkyil 'khor du dbang rnams dang / rdor dbyings nas 'di'i bar gyi yig cha bu ston rin po ches [A:62]mdzad pa'i lung / yang yo ga'i chos 'byung gru rdzings kyi lung dang / yo ga'i TI ka yid bzhin nor bu'i steng nas lung bshad rgyas par gsan zhing / slob dpon rin po che nyid kyis mdzad pa'i de kho na nyid bcu'i snying po gsal bar byed pa legs par bshad pa'i sgron me zhes bya ba'i steng nas bshad pa dpyis phyin par gsan te/ mdor na rnal 'byor rgyud 'di skor gyi phyag khrid/ gar dbyangs/ thig la sogs pa ma tshang ba med par gnang bas chos 'di pa la mkhas shing mi 'jigs pa'i spobs pa brnyes pa yin no/ / de ltar chos skor 'di dag yongs su rdzogs par gnang ba'i mtha' rten du/ "da ni chos bdag po'i lag tu 'phrod pas bsam pa tshim mo" zhes rgyal tshab tu mnga' gsol gzengs bstod dang bcas te/ bu ston rin po che'i dbang bum dus 'khor nas bshad pa'i phyag tshad dang mthun pa bum chu'i rgyun dang bcas pa/ bu ston rin po che'i phyag gzom byang chub shing las grub pa'i dus 'khor gyi phur pa/ kha TwAM ga gzhan yang rab gnas kyi bye brag bum sman skam tshang ma/ hor dril/ hor chol sogs sngags chas kyi khyad nor mang po'i gnang [A:63]skyes bzang po dgyes par bstsal zhing / rgyal po chen po rnams thos sras zhi drag gi rjes su gnang ba yang gsan no/ /
Teachings from 'Jam dbyangs grags pa rgyal mtshan; A: p. 63 yang slob dpon rin po che'i rtsa ba'i bla ma rin po che grags pa rgyal mtshan la/ dze tA