R1: chos kyi rje thams cad mkhyen pa rdo rje gdan pa chen po kun dga' rnam rgyal dpal bzang po'i rnam par thar pa ngo mtshar rin po che'i gter mdzod/ {bod yig glog rdul dpe cha/}
[B:21b]ri'i lugs tshe dpag med lha dgu'i dbang sku phra mo'i dus gsan no/ /Teachings from bKa' 'gyur ba ShAkya rgyal mtshan; A: pp. 63-67Kanjur transmissionyang thub pa bcom ldan 'das kyis legs par gsungs pa'i bka' de'i dgongs 'grel rgyabod kyi bstan bcos dri ma med pa mang du gsan pa/ rgya mtsho chen po'i mthar son zhing / theg pa mchog gi byang chub kyi spyod pa rin po che'i gling la mnga' dbang 'byor ba/ bstan pa yongs su rdzogs pa'i mnga' bdag mtshungs pa med pa'i chos kyi rje/ rgyal ba'i sras po sems dpa' chen po bka' 'gyur ba shAkya rgyal mtshan pa'i drung du sangs rgyas kyi sar bsnyeg pa'i blo gros dang skal ba can rnams kyi 'jug ngogs bstan pa rin po che'i snying po zab mo rdo rje theg pa'i bka' dri ma med pa/
thog mar gsang sngags gsar ma'i rgyud 'bum gyi lung gsan pa la/ dpal kye rdo rje'i rgyud rgyas pa 'bum phrag lnga pa las byung ba rtsa ba'i rgyud brtag pa gnyis pa la sogs pa rgyud sde gong 'og gi rgyud kyi rnam [A:64]grangs brgya phrag gnyis dang sum cu rtsa brgyad/ gzungs kyi tshan pa brgya dang brgyad cu rtsa lnga rnams la po ti bcu bdun dkar chag lugs bzhin tshang bar thugs rgyud gtams par mdzad/
yang mdo mang gi skor gsan pa la/ mdo sde bskal pa bzang po la sogs mdo tshan sum brgya dang bcu phrag gcig bka' lung dkar chag lugs bzhin po ti che ba bcu phrag gsum du byas pa rnams gsan no/ /
yang gong du ma 'dus pa'i mdo'i tshan pa/ mdo myang 'das chen po rgya nag 'gyur bam po zhe brgyad dam nga gnyis ma/ gtsug tor bam po dgu pa las bdud kyi le'u nye tshe phyung ba le'u dang po dang 'di gnyis dbyangs gzhi can du 'dug le'u gnyis pa bcom ldan 'das kyi gtsug tor chen po'i mdo las bam po gnyis yod pa dang / gser 'od dam chen bam po bcu pa/ thabs la mkhas pa sangs rgyas drin lan bsab pa/ tshe dpag med rgyas pa/ ri bo chen po'i mdo/ 'od zer can gyi mdo/ yang dam pa'i chos shin tu rgyas pa