[B:23b]dkyil 'khor lha bcu gsum/ 'khor lo sgyur ba yon tan gyi dkyil 'khor lha zhe [A:70]brgyad 'jig rten khor yug dang bcas pa/ me ltar 'bar ba phrin las kyi dkyil 'khor 'khor bcu bdun pa ste 'jig rten las 'das pa'i dkyil 'khor drug dang / 'jig rten pa'i dkyil 'khor drug las phyag na rdo rje klu chen brgyad kyis bskor ba/ me ltar 'bar ba lha chen brgyad/ me ltar 'bar ba gza' chen brgyad/ phyag na rdo rje zhi ba la phyogs skyong bcu sgo ba dang bcas pa/ me ltar 'bar ba la 'jigs byed dgu chung ma dang
bcas shing sgo ba bzhi/ phyag na rdo rje zhi ba la rgyal chen sgo ba bzhi dang bcas pas bskor ba'i dkyil 'khor rnams kyi so sor dbang rdzogs pa/ mi 'khrugs pa kha che lugs lha nyer gcig gi dkyil 'khor du dbang / yang mi 'khrugs pa lha bcu gsum gyi dkyil 'khor du dbang / yang mi 'khrugs pa jo bo lugs lha bcu gsum gyi dkyil 'khor du dbang / yang mi 'khrugs pa lha dgu'i dkyil 'khor du dbang / mkhan po bodhi sa twas mdzad pa'i mchod rten brgya la sogs pa'i cho ga la brten pa'i rjes gnang / phyag rdor dbang bskur gyi dbang / dze tA ri'i lugs kyi bsrung ba lnga'i rig gtad gza' dgu'i mchod chog mchod sbyin dang bcas [A:71]pa'i dbang / tshe dpag med sprul sku'i rjes gnang / bya rgyud 'od zer can lha nyer lnga'i dbang / don zhags lha lnga'i paN chen lugs kyi rig gtad/ spyan ras gzigs seng ge sgra'i rjes gnang / seng ge sgra'i gdon 'grol/ kha sarpa Ni lha lnga'i rjes gnang / bcu gcig zhal mkha' 'gro lnga dang bcas pa'i rjes gnang / slob dpon darban A tsaryas mdzad pa'i bya ba kun las btus pa zhes bya ba/ rdo rje slob dpon la dgos pa'i cho ga ji snyed cig phyogs gcig tu bsdus pa'i dkyil 'khor gyi rnam grangs la/ gsang ba 'dus pa 'jam rdor nas dpal dus kyi 'khor lo'i dkyil 'khor yan la bzhi bcu rtsa lnga/ gza' yum/ nor rgyun ma/ gtsug tor rnam rgyal te bde legs su byed