R1: chos kyi rje thams cad mkhyen pa rdo rje gdan pa chen po kun dga' rnam rgyal dpal bzang po'i rnam par thar pa ngo mtshar rin po che'i gter mdzod/ {bod yig glog rdul dpe cha/}
[B:32b]
pa'i don yin gyi/ des dkyil 'khor gyi go mi chod na/ gtor skyong gi dkyil 'khor gyis kyang go chod pa'i shes byed med cing dpe dag pa kun la mchan de skad med pa mang bas 'di kho na ltar bya'o/ /zhes pa rje nyid kyis phyag bris la btab cing / gtor chog gi thugs rtsom zhabs na yang de ltar ro/ /
yang dben gnas yid bde tshal du re zhig sku mtshams gnang ba'i tho rangs kyi dus shig na/ dpal rnal 'byor dbang phyug bir wa pa chos 'chad kyi phyag rgya mdzad cing / sprin bral nyi ma'i snying po ltar gzi 'od rab tu 'bar ba'i zhal mngon sum du gzigs/ lam 'bras bu dang bcas pa la sogs pa'i dka' ba'i gnad 'ga' zhig gi rjes su gnang ba bstsal bas thugs bde gsal mi rtog pa'i ngang du ji zhig gnas pa byung zhing / de dag gi sku'i bkod pa logs shig la rje nyid kyis phyag bris su btab pas sku gzhan las mtshar zhing brjid chags pa byung ba/ da lta [A:101]yangdad ldan rnams kyi phyag bgyi ba'i gnas su bzhugs/yang gnas de kha'i gong gi rdza spyil du zhag kha shas bzhugs pa'i nub gcig nang mchod kyi bdud rtsi khol zhing cher 'phel ba dang / de'i dri bzang phun sum tshogs pas gnas de'i nye 'khor dang / de las kyang 'das pa'i mda'i grong tsho'i mthar khyab pa sogs kyi ngo mtshar dpag tu med pa byung /
Vision while receiving Ni gu chos drug from Ras chen parje ras chen dpal 'byor bzang po la ni gu chos drug gsan pa'i dus mnal lam gzung nas nub bde ba can du gshegs pas/ mgon po snang ba mtha' yas zhal mngon sum du gyur pa la gsung chos gsan pa dang / de na rin po che'i khri dar zab kyis bkab pa zhig 'dug cing snang ba mtha' yas kyi zhal nas/ "khri 'di la khyed nyid 'byon rgyu yin" zhes pa'i lung bstan gsal po byung ba dang / de dus 'khor lo bde mchog gi 'das gtor de nub kha shas kha dog sngon po 'ba' zhig tu gzigs pas/ gtor tshon gyisgyi kha dog bsgyur ba yin nam dgongs pa byung zhing rjes su bde mchog nyid du