[B:42a]chugchud pas legs 'dug ces rab tu gnas pa bsdus pa tsam gnang zhing / mkhyen pa'i rtse mo bi shwa karma gnyis pa la yang gzengs bstod dang / gnang byin bzang po gnang la/ sgrub pa'i tshul bstan pa tsam ma gtogs rang byon kho nar nges te/ phyis shing mkhan kha cig gis skyon gyis lan cig ldog rnams rdib pa'i tshe yang sku ngo bo la cung zad tsam gyis kyang nyes skyon ma byung bas/ ngo mtshar ba las kyang lhag tu ngo mtshar ba'i gnas so/ / de'i bla
phyogs sngags khang steng na rgyal ba thams cad kyi gsung gi rnam 'phrul rje btsun 'jam dpal dbyangs kyi gser sku mi tshad ma blta bas ngoms pa dang bral ba zhig dang / gung gi cha la gsung ngag rin po che lam 'bras bu dang bcas pa'i man ngag gi bla ma brgyud pa'i rim pa khyab bdag rigs drug pa rdo rje 'chang nas/ rje btsun thams cad mkhyen pa rdo rje gdan pa'i bar gyi bla ma dam pa nyi shu rtsa gsum gyi gser sku [A:136]khru gang ba'i tshad du so sor khri bzhugs gdan na bza' dang bcas te bzhugs pa dang / de dag gi g.yas phyogs na rje btsun nyid kyi yum gyi don du bzhengs par mdzad pa'i bcom ldan 'das kun rig rnam par snang mdzad kyi gser sku mi tshad ma phra rgyan dus gsum khegs pas spras pa khri rgyan 'bubs dang bcas pa dang / g.yon phyogs na jo bo rje'i thugs dam thub pa grong khyer ma'i li dmar ches ngo mtshar ba khye'u lo brgyad pa'i tshad khri rgyab dang bcas te bzhugs shing / ri mor bkod pa la/ gung na bcom ldan 'das rdo rje dbyings/ de nas g.yas phyogs nas rim pa bzhin dpal mchog rdo rje sems dpa'/ chos kyi dbyings gsung gi dbang phyug 'jam dpal gsang ldan/ gtsug tor dri ma med pa/ spyan ras gzigs kha sar pa Ni/ gtsug tor rnam rgyal/ gtsug tor gdugs dkar/ lha mo nor rgyun ma dang / g.yon phyogs nas rim bzhin kun rig rnam snang / bcom ldan 'das shAkya seng ge rnam par snang mdzad mngon par byang chub pa/ rig sngags kyi rgyal mo so sor 'brang ma/ lha mo gza' rnams kyi yum/ rje btsun ma 'od zer can ma rnams [A:137]so so'i 'khor tshogs dang bcas pa/ sgo'i shar na khro bo rdo rje gnod sbyin dang / nub na khro bo rdo rje me ltar 'bar ba'o/ / gung gi sgo gong g.yas g.yon