[B:42b]na rje btsun ma sgrol ma dkar mo dang sngon mo'o/ / shar nub kyi sgo gong gnyis na rdo rje rnam par 'joms pa dang khro bo sme ba brtsegs pa'o/ / byang sgo'i gong na 'phags pa rigs gsum mgon po rnams so/ / de lta bu'i gzhal med khang chen po na mchod pa'i rdzas ma lus pas gtams te bkod pa'o/ / de'i sgo drung gi phyi ngos kyi logs bris la/ lo chen rin chen bzang po/ jo bo rje dpal ldan a ti sha yab sras/ bod chos rgyal mes dbon rnam gsum rnams gang 'os kyi bkod ris phun sum tshogs pa dang bcas so/ / khyams chen ka chen drug cu rtsa bzhi'i sa la/ shing brtsegs phun sum tshogs pa mtshal ka mthing gdung dang / skyang nul me long gi ngos ltar 'jam zhing dwangs pa'i kun dga' rwa ba'i logs bris kyi bkod pa la/ gtsang khang gi ngos g.yas la/ rje sa skya pa dkar po rnam gsum gtso bor gyur pa la gsung ngag rin po che lam 'bras bu dang bcas pa'i brgyud pa'i rim pa'i bla ma rnams kyi bskor ba dang / [A:138]g.yon ngos la bdag nyid chen po sa skya paNDi ta/ 'phags pa rin po che/ dpal ldan bla ma dam pa
rnams gtso bor gyur pa la rtsa rgyud kyi brgyud pa'i bla ma'i rim pa rnams kyis bskor bar bzhugs so/ /
de gnyis kyi 'og gi grwa bzhi na bcom ldan 'das thub pa'i dbang po sku bltams pa dang dus mtshungs par 'khrungs pa'i dus mnyam gyi rgyal po gzugs can snying po dang / rgyal po gsal rgyal dang / rgyal po shar pa dang /
rgyal po gtum po rab snang dang bzhi so so'i rgyan cha lugs kyi khyad par dang bcas te 'greng bar bzhugs so/ /
On dPag bsam khri shing murals
gnas de'i phyi'i ngos rings skor sa dang bcas pa la ston pa yang dag par rdzogs pa'i sangs rgyas kyi skyes pa'i rabs shin tu rgyas pa dpag bsam 'khri shing du grags pa yab rgyal po dge ba'i dbang pos mdzad pa'i sa bdag rab gsal gyi rtogs brjod nas/ khyim bdag zas gtsang gi rtogs brjod kyi bar yal 'dab brgya phrag gcig dang bdun la bkra shis kyi grangs kha skong ba'i slad du sras zla ba'i dbang pos mdzad pa'i brgyad pa sprin gyi bzhon pa'i rtogs brjod de brgya rtsa brgyad tshang ba'i yal 'dab gnyis gnyis la gtso bo sku tshad [A:139]che ba re sku'i 'gyur ba khri rgyab yol sogs rnam grangs tha dad pa bzhugs pa rnams la skyes rabs nyid nas