[B:43a]bsdus shing go bder bkrol ba'i so sor kha byang dang bcas te bkod pa ni/ rgya mtsho'i ska rags kyis bcings pa'i sa'i khor yug chen po na/ gzhan dang gzhan las ches cher khyad par 'phags pa dang / skor sa'i nang gi ngos la thub pa'i dbang pos zhing 'di mdzad pa bcu gnyis kyi bstan pa'i bkod pa ji lta ba la gtso bo sku che ba drug dang bcas pa/ gung gi mthong g.yab kyi ngos rings la/ ston pa gnas brtan bcu drug hwa shang dang dharma ta la gnyis kyis mtha' brten pa/ yar khyu'i sgo 'gram gnyis na rgyal chen bzhi'i bris sku rnams bzhugs pa'o/ /
bla brang skor ka chen bcu drug gi sa'i dbus su sgo khang sgo glegs nyis ral ma phyi nang gnyis kyi bar rgyal chen khang pa na/ sangs rgyas kyi bstan pa rin po che dang / 'jig rten gyi dkar phyogs skyong ba rnams bsrung zhing mel tshe mdzad par ston pa'i spyan sngar dam bcas pa'i bden pa bzhi'i ngo bo/ rgyal po chen po yul 'khor bsrung dang / 'phags skyes po dang / mig mi bzang [A:140]dang / rnam thos sras bzhi rang rang gi mnga' ris dang mthun pa'i lang tsho dang / rgyan phreng dang / lhab lhub dang / ya lad la sogs pas spras pa sku brjid chags shing dpa' ba rol ba'i 'dug stangs kyis bzhugs pa/ der 'gro ba rnams bgrod pa tsam gyis bag tsha bas ba spu ldang zhing dad pa bskyed pa'i nyams ldan du bzhugs pa dang / logs bris la dam pa'i chos 'dul ba nas ji skad bshad pa'i 'khor ba'i 'khor lo cha lnga pa/ steng du sangs rgyas mya ngan las 'das pa mtshon pa'i 'od dkar po dang / gsham du brtsam par bya zhing 'byung bar bya/ / zhes sogs kyi shlau ka gnyis dang / logs gcig shos la/ mngon pa nas gsungs pa'i gling bzhi ri rab la sogs pa'i bkod ris rnams so/ / de'i g.yas g.yon du 'dod dgu 'byung ba'i bang mdzod re dang / phyi rol du sgo g.yabs ka chen gnyis kyis btegs pa/ de dag gi dbus su dbang khang ka tshad drug gi gung na/ paN chen shAkya shrIs rgya gar nas spyan drangs pa'i rdo rje gdan gyi bkod pa las zhal bshus pa'i rdo rje gdan bkod/ de'i byang na ka tshad drug gi mgon khang / shar ngos