[A:277]du med/ /rgyud la bya med yengs su med/ /bzhag rgyu med de btang rgyu med/ / brjed rgyu med de nor rgyu med/ /ye shes de la rgyun chad med/ /ting nge 'dzin la thun mtshams med/ /dmigs pa la yang btang bzung med/ /rnam rtog la yang bzang ngan med/ /yid yul la yang phyi nang med/ /dngos med la yang phyi nang med/ /re dogs spangs na skyon dang bral/ /'dod pa med pas thob pa med/ / rtsol ba med pas skyon rnams sangs/ /'bras bu la re mkhan med pas sangs rgyas kyi dgongs pa zhig bsam brjod blo las 'das pas smra ba'i ngag dang bral/ de ltar du rang dbang thob tsa na/ brgyud pa rang gis zin/ grol cha nang nas rnyed/ gzung 'dzin mtshan ma zhig snang srid bka' brgyud du shes/ byed spyod chos spyod du 'gro/ mthong thos sku gsum du byon/ ye shes nang nas brtol/ nyon mongs kun rang sar dag dad gus rang la tshud do/ /'khor 'das kyi rtsa ba rang rig tu shes/ skyid sdug gsal 'debs su shes/ bdag 'dzin chos skur grol lo/ /gzhi mthong bas lta ba med/ rtsad chod pas sgom du med/ rang sa zin pas sgrub tu med/ rang sems ngo shes pas sangs rgyas med do/ /shes rab rang brdol du byon pas/ wal le brjed med du 'dug pa/ sna tshogs 'gag med du grol ba/ tshor ba rjes med du sangs pas/ rig pa glan sar chags pas/ chos sku gcer mthong du grol ba/ rig pa rkyang ded du 'dug pas gnyis su med pa'i sku| rang snang chen po'i ngang la lus so/ /rang byung du yin pas lhun grub tu byung / rang gsal yin pas gting gsal du shar/ rang snang yin pas 'od gsal du snang / rang rig yin pas chos skur byung / rang grol yin pas zangs thal du byung