[A:182] tsa dang dza gnyis ra yi bu/ /'phul dang mtha' brten mi byed cing / /ma bu gnyis ka mi byed pa'i/ /rang sa 'dzin pa'i yi ge bcu/ kha cha tha pa tsha wa zha ya sha a/ ga ba yi ge kun tu rgyu/ /
ma dang bu gnyis ka byed/ 'phul dang mtha' brten gnyis ka byed/
steng na zha ltar lding ba gsum/ /na ro gi gu 'greng po ste/ /'di gsum yi ge kun la khyab/ /'og na gdan ltar mdzes pa gsum/ /ya ta ra ta zhabs kyu ste/ /ya ta 'dogs pa'i yi ge bdun/ /kya khya gya pya phya bya mya/ /ra ta 'dogs pa'i yi ge bcu gcig yod/ kra khra gra pra phra bra mra sra shra dra hra/ zhabs kyu'i yi ge kun la khyab/ kyu khyu kru khru/ ya ta ra ta gnyis la'ang khyab/ 'dogs dang sdeb sbyor blo la shar ro/ / gzhan yang lAnytsha lha'i yi ge 'dra/ ha dang 'a gnyis kyis yi ge'i bu byed pa dang / na log sha log tha log byed pa sogs ni/ saM skr-i ta'i skad/ bod du gzungs sngags su 'gyur dus/ yi ge'i rnam dpyod la mkhas pa'i paNDita rnams kyis rting du bcos so/ /
de la dpe byas nas yi ge dbu can du byas/ wartu la klu'i yi ge 'dra/ de la dpe byas nas yi ge zur can du byas so/ /'di ni zur tsam yin gyis/ rgyas par 'dod na thon mis/ dang po yi ge'i rnam 'gyur gyi bzo brtsam/ ka mad sum cur bsgyur/ sdeb sbyor bsgrig pa'i gzhi ma/ thon mi'i mdo rdzi'i sgra mdo bya ba yod kyis de dag la gzigs shig gzhan yang blon po thon mi des/ paNDi ta lha rig pa'i seng ge la/ sgra'i bstan bcos thams cad bslabs nas/ rig pa'i gnas lnga la mkhas par gyur te/ 'dus pa rin po che'i tog mdo za ma tog spyan ras gzigs kyi mdo rgyud nyi shu rtsa gcig rnams bod du bsgyur/ lo rgyus gcig na/ shes rab kyi pha rol tu phyin pa stong phrag brgya pa yang bsgyur zer ba'ang 'dug mdor na blon po thon mi de/ bslab shes kyi yon