[A:78]nas gsan/ bdun pa la 'khyog dpon rdzong pa'i drung du dge bsnyen mnos/ dgu pa la 'khyog zhang gis mkhan po rdzong pas slob dpon mdzad nas rab tu byung / mtshan thugs rje brtson 'grus su btags/ nyi shu pa la g.yas ru phyi 'bum dgon gsar du lha btsun bsod nams snying pos mkhas po/ mdog lhod pa shAkya byang chub kyis las slob/ bsod blo bas gsang ston mdzad nas dad pa'i dge slong lnga bcu'i dbus su bsnyen par rdzogs/ kun mkhyen chos sku 'od zer/ 'gro mgon 'phags pa/ sangs rgyas 'bum/ shangs pa dkon brtsegs/ lha btsun dgon gsar ba/ rdo rje 'chang 'jam dbyangs pa/ rig pa'i sengge/ mdog lhod pa/ mkhan chen mchims/ mkhas pa snyan ston la sogs pa bla ma dam pa rnams bsten/ mdo mangs/ byams pa dang 'brel ba'i chos sde nyi shu/ mngon pa gong 'og /tshad ma sde bdun/ rigs gter/ ka lA pa/ smra sgo mtshon cha/ 'dul ba mdo rtsa/ lung sde bzhi/ 'bum/ nyi khri/ brgyad stong pa/ sdud pa/ de dag gi rgya 'grel/ spyod 'jug /bslab btus rnams gsan zhing mkhas par sbyangs/ khro phu ba la bde chen ral gcig sogs khro phu ba'i chos rnams gsan/ ma 'ongs pa na jo nang du yun ring du bzhugs na bstan pa la phan zhes lung bstan/ 'gro mgon phyag na gshegs pa'i chos 'khor gyi tshe lung rigs smra ba'i mchog tu grags/ de'i dus na rtog ge la chu mig pa sengge dpal mkhas par grags pas/ khong gis dpal chos kyi grags pa la lan med kyi thal 'gyur bcu gsum yod ces gsan pas/ khong snar thang na bzhugs pa'i drung du byon nas/ khong gi grub mtha' la zhag mang po'i bar du rtsod nas/ dpal chos kyi grags pa'i lan du ngas kyang khyed la lan med kyi thal 'gyur 'di rnams song ba yin no/ /zhes grangs 'dzin cing / phyag la ri mo mdzad/ 'jam sgeg la sogs pa'i mkhas pa chen po rnams lung rigs kyis brtul/ chu mig gi chos 'khor snga ma la