[A:8b]kyi bar du myang brag pa chos kyi ye shes la sogs pa gdul bya rnams la bshad pa mdzad pas phrin las shin tu che'o/
[4.3.2?]
gnyis pani/ zhang gi rjes su {4}
dmyal pa ri lus lo gnyis kyi gdan sa mdzad/ de'i rjes su gro lung pa chen po gdan 'dren byas kyang ma byon par {5}
stod lungs rnam spar bas lo brgyad gdan sa mdzad/ de'i rjes su {6}
rig pa'i dbang phyug cha pa chen pos lo bco brgyad gdan sa mdzad/ 'di ni byis pa'i dus nyid nas kun btags rtags kyi rtsed mo rtse nas/ gzhan dbang gi lci ba ma 'thul na/ yongs grub kyi a mas brdung du 'ong / zhes mtshan nyid gsum glur len pa rgya brgya dmar bas gsan nas pha ma la blangs zhabs phyir khrid dbu tshad kyi rig pa byang bar bslabs/ zhang tshe spong ba'i drung du rab tu byung mtshan cha pa chos kyi seng ger btags/ zhang dang de'i slob ma chos kyi ye shes gnyis la pha rol tu pyin pa dang / spyod pyogs mtha' dag gsan mkhas pa'i grags pas phyogs kun tu khyab/ gdan sa ma mdzad gong du byams chos lnga dang rtsa shes rnams la sogs pa bshad bstan bcos chen po rnams la Tikka dang bsdus don mang du mdzad/ khyad par tshad ma yid kyi mun sel rtsa 'grel gnyis mdzad de/ cha bsdus srol ding sang bar du dar bar 'gyur/
gangs gang can gyi sde snod 'dzin pa de dus kyi phal bal mo che slob mar 'dus pa las mchog tu gyur pa ni/gtsang nag pa brtson 'grus seng ge dan 'bag pa smra ba'i seng ge bru sha bsod nams seng ge rma bya ba rtsod pa'iseng ge brtsegs pa dbang phyug seng ge ldan ma dkon mchog seng ge