[A:5a]mang 'or byang chub shes rab la sogs pa dang / lhan gcig tu 'byor/ mnga' bdag gi sras dbang phyug sdes rngog gi sbyin bdag mdzad/ gser la sogs pa'i yo byad mang du bskur te kha cher byon/ paNDi ta gzhan phan bzang po dang / skal ldan rgyal po dang / bram ze sad dza na dang / su ma ti kirti la sogs pa la tshad ma sde bdun mdo dang bcas pa dang / rgyan chos mchog la sogs pa dka' ba chen pos legs par gsan bsan zhing / tshig don gnyis ka'i cha shin tu phra ma yang blo gros kyis snang ba phul du byung ba mnyes pas chos kyi spyan dang ldan par gyur to/ gzhan yang lho lam du bgrod dka' ba rnams su rgyal ba'i yum la sogs pa brtson pa chen pos btsal brtsal kyang rnyed dka' bka' bar byung ba las phyis sku srog dang bdos te ya nga ba'i lam nas sprad pa'i cha lugs kyis byon pa nyam nga ba las thar te/ rgya gar shar phyogs kyi mkhas pa chen po dpal go mi 'chi med dang / gzhung 'bum phrag gsum gyis mgrin pa brgyan pa bstan skyong gnyis pa la sogs pa gus pas bsten cing legs par bshad pa mtha' dag kyang nod/ gzhung rnams la zhu chen mdzad/ mdor na lo bcu bdun gyi bar du rgya gar shar nub/ yul dbus la sogs par rig pa'i gnas mtha' dag la legs par sbyangs shing / tshig don gnyis ka phyin ci ma log par thugs su chud do/
[4.2.3?]
? rang lo gsum bcu rtsa lnga pa chu mo bya la bod