[A:536]སྲེག་གི་ཆོ་ག འཕྲུལ་འཁོར་བཅིང་བ། བསྐྲད་པའི་འཕྲུལ་འཁོར་བགེགས་ལ་བསྣུན་པ། ཞི་བའི་ས་གཏེར་གཞུག་པའི་ཆོ་ག འབྱུང་བ་བཞི་དང་འབྲེལ་བའི་ལས་སྦྱོར་བརྒྱད། གཟུངས་རིངས་དང་འབྲེལ་པའི་བསྒོམ་བཟླས། ཕྱིར་བཟློག་གི་ཆོ་ག་སྟེ་ཕྱག་ན་རྡོ་རྗེའི་སྐོར་དང༌། རྣམ་ཐོས་སྲས་བདེ་བྱེད་ཀྱི་རྟོག་པ། དྲག་བྱེད་ཀྱི་རྟོག་པ༑ ཤུ་རངྒ་ཝརྨས་མཛད་པའི་སྒྲུབ་པའི་ཐབས་གཏོར་མའི་ཆོ་ག་ལས་ཚོགས་དང་བཅས་པ་ཐོས་སོ།།
།།བླ་མ་རྒ་ལོ་ཙཱ་བ་ལས་བརྒྱུད་ཅིང་དགེ་བའི་བཤེས་གཉེན་ཤེས་རབ་དཔལ་ལས་ནོས་པའི་ཡེ་ཤེས་ཀྱི་མགོན་པོ་ཕྱག་བཞི་པའི་རྗེས་གནང་ཞུས་ནས་དེའི་སྒྲུབ་ཐབས་ལས་ཚོགས་དང་བཅས་པ་ཐོས་སོ།། །།ཡང་ལྷ་དབང་ཕྱུག་ཆེན་པོས་མཛད་པའི་རྩིས་ཀྱི་གཙུག་ལག་དབྱངས་འཆར་བ་ཞེས་བྱ་བའི་རྒྱུད་སྟོང་ཕྲག་གཅིག་པ། མན་ངག་དུ་མ་དང་བཅས་པ། བལ་པོའི་པཎྜི་ཏ་མེ་ལ་ཧ་ངུ་ཞེས་བྱ་བ་ལས་ནོས་ཤིང་ལན་ཅིག་ལེགས་པར་བསླབས་སོ།། །།བཅོམ་ལྡན་འདས་འཇམ་དཔལ་གཤིན་རྗེ་གཤེད། ཡེ་ཤེས་ཀྱི་མཁའ་འགྲོ་མ། སློབ་དཔོན་བིརྺ་པ། ཌོམྦི་པ། བི་ར་ཌི་པ། མ་ཏི་གརྦྷ། གཾ་བྷི་ར་མ་ཏི། ནིཥྐ་ལངྐ་eds: «ཞ»+དེ་བ།
དཔྱལ་ལོ་ཙཱ་བ་ཆོས་ཀྱི་བཟང་པོ་རྣམས་ལས་འོངས་པ་རྣལ་འབྱོར་གྱི་དབང་ཕྱུག་རྒ་ལོ་ཞེས་བྱ་བ་ལས་གཤིན་རྗེ་གཤེད་དམར་པོ་ལྷ་ལྔའི་དཀྱིལ་འཁོར་དུ་དབང་བསྐུར་བ་ཞུས་ནས་སློབ་དཔོན་བིརྺ་པས་མཛད་པའི་གཤིན་རྗེ་གཤེད་དམར་པོ་ལྷ་ལྔའི་སྒྲུབ་ཐབས། ལྷན་སྐྱེས་ཀྱི་སྒྲུབ་པའི་ཐབས། ཕྱོགས་སྐྱོང་བཅུའི་གཏོར་མའི་ཆོ་ག་སྒྲུབ་པའི་མཎྜལ་གྱི་ཆོ་ག་སློབ་དཔོན་བྱང་ཆུབ་བཟང་པོས་མཛད་པའི་འཕྲུལ་འཁོར་གྱི་ཆོ་ག དུས་བཞི་དང་མཐུན་པའི་འཕྲུལ་འཁོར་གྱི་ཆོ་ག་རྣམས་དང༌། ཡང་པཎྜི་ཏ་དཱ་ན་ཤཱི་ལ་དང་དགེ་བའི་བཤེས་གཉེན་འཇམ་དཔལ་གསར་མ་ལས་བརྒྱུད་པ་འཕྲུལ་