[A:537]འཁོར་གྱི་ཆོ་ག་དང་ལས་ཚོགས་ཀྱི་ཆོ་ག་རྒྱས་པ་རྣམས་ཐོས་སོ།། །།ཡང་རྡོ་རྗེ་འཆང༌། རྡོ་རྗེ་ཕག་མོ། ཡེ་ཤེས་ཀྱི་མཁའ་འགྲོ་མ།
ཡུལ་ཝ་རེནྡྲའི་རྣལ་འབྱོར་པ་སི་རུ་པ། ཡུལ་ར་ཌིའྀ་སློབ་དཔོན་དབུ་མ་པ་ཏི་དཏྟ། ཤཱིནྟིཾ་གུཔྟ། ཙནྡྲ་ཀཱིརྟི། ཝཱ་གཱི་ཤྭ་ར་གུཔྟ། བླ་མ་རྭ་ལོ་ཙཱ་ཆོས་རབ། རྭ་ཡེ་ཤེས་སེང་གེ རྭ་འབུམ་སེང་ལས་ནོས་པའི་སློབ་དཔོན་རྒ་དེ་ཉིད་ལས་རྡོ་རྗེ་ཕག་མོ་ལྷ་སུམ་ཅུ་རྩ་བདུན་མ་དང༌། ལྷ་བཅུ་གསུམ་མ་དང༌། ལྷ་ལྔ་མའི་དཀྱིལ་འཁོར་དུ་དབང་བསྐུར་བ་ཞུས་ནས། རྡོ་རྗེ་ཕག་མོ་སྔོན་འབྱུང་གི་རྒྱུད། སློབ་དཔོན་དབུ་མ་པ་ཏི་དཏྟས་མཛད་པའི་དཀྱིལ་འཁོར་གྱི་ཆོ་ག་སྒྲུབ་པའི་ཐབས། བླ་མ་རྭ་པས་མཛད་པའི་ལག་ཏུ་བླང་བའི་རིམ་པ་དང་བཅས་པ་ཐོས་སོ།། །།ཡང་བླ་མ་eds: «ཞ»+རྭ་འབུམ་སེང་ཡན་ཆད་འདྲ་ལ་དེ་ལས་བླ་མ་རྒས་ནོས་པ་ལས།
སློབ་དཔོན་ཨ་མོ་གྷ་བཛྲས་མཛད་པའི་རྡོ་རྗེ་འཇིགས་བྱེད་ཀྱི་དཀྱིལ་འཁོར་གྱི་ཆོ་ག སྦྱིན་སྲེག་གི་ཆོ་ག་སློབ་དཔོན་ཤཱནྟི་པས་མཛད་པའི་ཚོགས་ཀྱི་འཁོར་ལོ། སློབ་དཔོན་འཇམ་པའི་དབྱངས་ཀྱི་ཞབས་ཀྱིས་མཛད་པའི་རྡོ་རྗེ་འཇིགས་བྱེད་ཕྱག་གཉིས་པ་སྒྲུབ་པའི་ཐབས། སློབ་དཔོན་དཔལ་འཛིན་གྱིས། མཛད་པའི་གཤིན་རྗེ་དགྲ་ནག་ལྷ་བཅུ་གསུམ་པའི་སྒྲུབ་པའི་ཐབས། དེ་ཉིད་ཀྱི་དཀྱིལ་འཁོར་གྱི་ཆོ་ག་དེ་ཉིད་ཀྱིས་མཛད་པ། གཞོན་ནུ་གདོང་དྲུག་གི་དཀྱིལ་འཁོར་གྱི་སྒྲུབ་པའི་ཐབས་རྣམས་ཐོས་སོ།། །།ཤམྦྷ་ལའི་རྒྱལ་པོ་དཔལ་སྐྱོང་སེང་གེ་རྣམ་པར་རོལ་བ། སློབ་དཔོན་དུས་ཀྱི་འཁོར་ལོའི་ཞབས་ཆེ་བ། དུས་འཁོར་ཞབས་ཆུང་བ། ཁ་ཆེ་ཟླ་བ་མགོན་པོ། འཕན་ཡུལ་གྱི་སྒོམ་པ་དཀོན་མཆོག་སྲུང༌།
འཕན་ཡུལ་གྱི་སྒྲོ་སྟོན་གནམ་ལ་བརྩེགས། བླ་མ་ཡུ་མོ། སྲས་ཆོས་ཀྱི་དབང་ཕྱུག་ནམ་མཁའ་འོད། གྲུབ་ཐོབ་སེ་མོ་ཆེ། སློབ་དཔོན་འཇམ་གསར་