[A:541]bha dra/ bla ma chag lo tsA ba las brgyud nas slob dpon de nyid las 'phags pa ting nge 'dzin rgyal po'i mdo/ slob dpon 'jam dpal grags pas mdzad pa'i 'grel par grags pa'i phreng ba dang bcas pa thos so// //yang slob dpon de nyid las| dge ba'i bshes gnyen rngog blo ldan shes rab kyis mdzad pa'i spring yig bdud rtsi'i thig le yang thos so// //yang dge ba'i bshes gnyen spug ston dang | paNDi ta thams cad mkhyen pa/ srin po ri'i dge ba'i bshes gnyen gnyan la sogs pa mang po las dge ba'i bshes gnyen snya pa zhes bya bas nos nas de nyid dang |
yon tan dpal zhes bya ba las slob dpon dge ba'i bshes gnyen/ sde snod 'dzin pa stag ston shes rab 'od zer zhes bya ba las nos pa las/ chos mngon pa mdzod kyi 'grel bshad/ slob dpon rgyas sras grags pa'i bshes gnyen zhes bya bas mdzad pa don gsal zhes bya ba stong phrag bco brgyad pa dang / byang chub sems dpa'i sa'i 'grel pa slob dpon rgya mtsho'i sprin zhes bya bas mdzad pa stong phrag bcu gnyis pa dang / panytsa skandha'i rgya cher 'grel pa slob dpon blo gros brtan pas mdzad pa bye brag tu bshad pa zhes bya ba stong phrag phyed dang gnyis dang / rnal 'byor chen po'i rgyud sangs rgyas thams cad mnyam par sbyor ba zhes bya ba rtsa ba'i rgyud/ rgyud phyi ma/ phyi ma'i phyi ma dang bcas pa dang /
yang rnal 'byor chen po'i rgyud rdo rje bdud rtsi zhes bya ba/ slob dpon rab zhi bshes gnyen zhes bya bas mdzad pa'i 'grel pa dang / sgrub pa'i thabs dang bcas pa rnams dang / rnal 'byor chen po'i rgyud sangs rgyas thod pa zhes bya ba dang / de'i dkyil 'khor lha nyi shu rtsa lnga'i bdag nyid kyi sgrub pa'i thabs yan lag dang bcas pa rnams thos