[A:545]mdo rtsa'i rgya cher 'grel pa/ slob dpon chos kyi bshes gnyen gyis mdzad pa stong phrag nyi shu rtsa gcig pa/ las kyi cho ga ston par byed pa karma sha taM sum stong bdun brgya pa thos so// //rgya gar shar phyogs kyi paNDi ta dharma pradznyA pA la/ zhang zhung pa man chad snga ma rnams dang mtshungs pa las brgyud nas 'dul ba la bstod pa/ de'i 'grel pa 'dul ba 'dzin pa la bstod pa/ dge slong la rab tu gces pa'i mdo/ tshul khrims yang dag par ldan pa'i mdo/ ltung ba lci yang bstan pa'i mdo/ gaNDI'i mdo| 'khar gsil gyi mdo/ 'khar gsil 'chang ba'i kun spyod dge slong gi lo dri ba/eds: «zha»dge tshul gyi lo dri ba/dge bsnyen gyi sdom pa brgyad pa/ sde pa tha dad pa bsdus pa bstan pa/ dri ba'i tshig le'u byas pa rnams rgya gar nas 'gyur la/ gzhi kun spyod/ sde lnga kun spyod/ cho ga kun spyod rnams bod kyi 'dul ba 'dzin pas sbyar ba ste rnam grangs nyi shu rtsa gnyis thos so// //yang slob dpon dge ba'i bshes gnyen sdom brtson seng ge zil gnon zhes bya ba las slob dpon shes rab 'byung gnas blo gros kyis mdzad pa'i byang chub sems dpa'i spyod pa la 'jug pa'i rgya cher 'grel pa paNDi ta chen po sU na ya shrI mi tra dang / dge ba'i bshes gnyen gnyan lo tsA bas bsgyur nas rim pa bzhin brgyud de/ dge ba'i bshes gnyen gtsang nag pa las/ gtsang rong gi sngags pa dpal 'dzin zhes pas nos pa dang |
so sor thar pa'i tshig gi brjed byang bya ba sngon gyi paNDi ta dA na shI las mdzad par grags pa/ lo tsA ba chen po cog ro klu'i rgyal mtshan las brgyud de rim pa bzhin du 'ongs pa/ dus phyis dbus kyi phya'i yul du byung ba rka ston zhes bya bas gnang ba chos kyi rnam grangs gnyis thos so// //rje btsun ma rdo rje rnal 'byor