[A:549]zhabs kyis mdzad pa/ slob dpon nyid kyis mdzad pa'i sgrub thabs kun tu bzang po| de'i 'grel pa slob dpon dpal 'bras rdo rjes mdzad pa/ slob dpon mar me mdzad bzang pos mdzad pa'i dkyil 'khor gyi cho ga bzhi brgya lnga bcu pa/ de'i 'grel pa slob dpon ratnA ka ra shAnti pas mdzad pa/ slob dpon sangs rgyas ye shes zhabs kyis mdzad pa'i bdag grub pa la 'jug pa bya ba'i rim pa bstan pa'i nor thams cad pa/
gsang ba 'dus pa'i rjes su 'brang ba/ 'phags pa spyan ras gzigs dbang phyug lha bcu dgu'i sgrub pa'i thabs jo bo chen po rjes mdzad pa/ mi bskyod rdo rje lha dgu'i sgrub pa'i thabs slob dpon rin chen rdo rjes mdzad pa/ dpal gsang 'dus pa rgyud kyi rgyal po'i 'grel pa slob dpon sangs rgyas ye shes zhabs kyi dgongs pa bzhin bkral ba/ slob dpon rgyal bas byin gyis mdzad pa/ dza yan du grags pa rnams thos la/ tshar gcad pa rjes su 'dzin pa dang 'brel ba'i man ngag gi rim pa 'ga' zhig kyang thos so// //rgya gar gyi paNDi ta ka na ka warma/ pa tshab lo tsA ba/ rma bya byang ye/ rma bya byang brtson/ rkyang 'dur pa/ chos brtson|
dgo phu ba blo ldan nas brgyud nas slob dpon dge ba'i bshes gnyen lha btsun las rigs pa drug cu pa'i 'grel pa slob dpon zla ba grags pas mdzad pa/ stong nyid bdun cu pa/ rtsod pa bzlog pa/ zhib mo rnam 'thag gi 'grel pa slob dpon nyid kyis mdzad pa rnams thos so// //de ltar gang las bka' drin nos gyur pa'i/ /bla ma slob dpon dge ba'i bshes rnams la/ /ma gus med kyang sri zhu ma bgyis pa'i/ /nongs pa gang de bzod par gsol zhing mchis/ /da dung du yang sangs rgyas ma thob par/ /lung dang mngon par rtogs po'i yon tan chos/ /bdag