[A:35b] bzang ldan du byon/ sbyor drug phog tshar ba dang/ sa bzang du phebs 'dug pa la/ nye gnas kyis zhu phod byas/ de la chos rje'i gsung gis/ drung du zhu phod ma byed cig mkhas pa gnyag phu pa shAkya thub pa'i grub mtha' la bcug yod do/ ces gsung skad/ 'dir yang/ chos rje g.yag phrug pa sogs rtsod pas brtul/ chos rje rong che chung sogs bshad pas brtul/ thams cad mkhyen pa'i gshe banyen dwags po 'od zer seng ge sogs kyi rgyud byin gyis rlabs/ gzad ston zhi mdang 'jam bzangs sogs kyi bag chags sad par mdzad/ gzhon nu blo ldan la sogs pa'i mkhas pa'i rlom pa dang/ rgan po'i rang rgyal yod pa rnams zil gyis mnan te/ yang dag pa'i lam la bkod nas/ chos dang chos min pa rnam par 'byed pa'i blo gros kyi nga rgyal thog pa rnams kyang/ rje 'di nyid kyi drung na ni shin tu zhum la 'dud par byed/ dus phyis ni nges pa'i mtha' la nges pa 'khrungs te/ smra ba'i gtsug rgyan du yang khas 'che bar snang ngo/ khyed thugs g.yo med zhi gnas gsal ba'i ngang/ rang ni 'od gsal pra phab ji bzhin du/ lkog gyur rnams kyang mngon sum lhong ba na / rnam par gsum ldan chos rje'i zhabs la 'dud/ de yang rang gi thugs dang nam mkha' dbyer med 'dres te/ nam mkha' 'jig rten gyi khams su lus pa med par khyab pas/ sems kyang ngo bo ngos bzung dang bral ba la/ bshis cir yang ma grub pa la/ srid pa gsum gyi gzugs brnyan 'char/ gzugs brnyan de yang rang gi sems las gzhan ma yin/ sems kho rang gzugs brnyan gyi rnam par shar nas/ rtsig pa dang ri khang khyim sogs kyis sgrib mi nus par 'dug ces kyang lan gcig gsung/ mngon sum du gzigs par 'dug te/ sngon nang pa grags pa seng ge