[A:40b] bu yi nyes pa pha mas 'chos pa dang/ mngon sum bzhugs zhing mgon skyabs gzhan med pas/ rjes su gzung nas dngos grub rnams rtsol/
skye pa kun tu yang dag bla ma dang/ 'bral med chos kyi dpal la longs spyad nas/ sa dang lam gyi yon tan rab rdzogs te/ rdo rje 'chang gi go 'phangs myur thob shog/
ces rje rin po che thams cad mkhyen pa gnyag phu pa zhes mtshan yongs su grags pa de nyid la/ rnam thar gyi sgo nas stod pa'i rin po che'i 'byung gnas zhes bya ba 'grel pa dang bcas pa 'di/ de nyid la rtse gcig tu dad pa'i grogs mched dang/ gdul bya du mas bkulbskul ba dang/ rang nyid kyi dad pa gsol ba'i rjed byang la dam pa de nyid kyi zhabs padmo yun ring du brten pa bsten pa dang rtse gcig tumos pa'i dad pa thegs pas mnyes par byas pa/ bka' bzhi 'dzin pa yon tan bzang po zhes bgyi pas/ bsnyan sngags dang/ sdebs sbyor dang/ sgro btags la sogs pa'i rgyan spangs te/ gsung ngag dang/ slob dpon nor bu bzang po'i gsung ji bzhin bris pa lags/ de las byung pa'i dge ba gang yod rnams/ mkha' mnyamsnyam 'gro ba kun la smin gyur cig/ kun kyang 'od dpag med pa'i zhings khams su/ padpod mo las 'khrungs 'gro ba'i dpal gyur cig/
de dang 'khrul pa'i nyes skyon ci mchis pa/ ye shes spyan ldan mkhyen ldan rnams la bshags/ sgo gsum dge ba'ipa'i dngos po ci mchis pa// dus gsum rgyal ba'ipa'i mdzod 'dzin dgyes phyir bsngo/
ma stwas sarba ga dza staM/ oM a hUM/ mangghalaM//