[A:102]la rgyun ring ba dang / bskyed rdzogs bshad sgrub mtha' yas shing / gzhis khaka rin spungs pa'i bdag rkyen la brten/ rje 'di nyid kyi thugs rtsol legs par mdzad pas 'khor lo bde mchog lU hi pa'i mngon rtogs rgyas pa'i steng nas sgrub mchod dge 'dun mang pos zhag mang por sgrub pa'i rgyun chags pa la sogs pa rdo rje theg pa'i dga' ston gyi dngos dang brgyud pa'i gdul bya thams cad tshims par mdzad pas kyang bka' drin mtshungs pa med do/ /de ltar bka' drin dran pa'i sgo nas sgo gsum gus pas rnam pa thams cad du phyag byas nas/ lanyan lag bdun pa'i lhag ma mdor bsdus te brjod pa ni/ mchod pa kun 'bul sdig pa mtha' dag bshags/ /dge la yid rangs gsol ba rnam gnyis 'debs/ /dge tshogs ma lus mtha' med 'gro ba'i phyir/ /bla med byang chub mchog tu bdag bsngo'o/ /zhes pa ste/ phyi'i mchod pa chu bzhi nyer spyod rol mo 'dod yon lnga rin chen bdun/ bkra shis brgyad/ bum pa bzang po dang / namna bza' 'dod 'jo'i ba la sogs pa/ nang gi mchod pa sha lnga bdud rtsi lnga sbyangs rtogs sbar bas byin gyis rlabs pa/ gsang pa'i mchod pa bde ba chen po/ de kho na nyid kyi mchod pa/ bde ba de nyid stong pa dang / lhag par sbyar ba ste/ mchod pa thams cad 'bul zhing rang gzhan gyi sdig pa thun mong ba dang thun mong ma yin pa mtha' dag stobs bzhi dang bden chen gyi rang bzhin du gshegs| rang gzhan skye 'phags kun gyi dge rtsa kun la shin tu dga' bas yid rangs/ chos kyi 'khor lo bskor ba dang mya ngan las mi 'da' bar bzhugs pa'i gsol ba gnyis legs par 'debs/ rang gzhan gyi dge tshogs thams