R1179: dpal dus kyi 'khor lo'i brgyud pa rin po che'i rtogs pa brjod pa dpag bsam gyi snye ma/ {bod yig glog rdul dpe cha/}

« Title Page

Pagination (Witness A): 76a

Last Page »

[A:76a]par grags pas/ khong gis dpal chos kyi grags pa la lan med kyi thal 'gyur bcu gsum yod ces gsan pas/ khong snar thang na bzhugs pa'i drung du byon
nas/ khong gi grub mtha' la zhag mang po'i bar du rtsod nas/ dpal chos kyi grags pa'i lan du ngas kyang khyed la lan med kyi thal 'gyur 'di rnams song ba yin no// zhes grangs 'dzin cing /
phyag la ri mo mdzad/ 'jam sgeg la sogs pa'i mkhas pa chen po rnams lung rigs kyis btul/ chu mig gi chos 'khor snga ma la phar 'dri ba dang / phyi ma la lan 'debs pa la 'gran zla dang bral
bar gyur to// don mo ri dang 'dar chos sdings su phar mngon dbu tshad kyi 'chad nyan dang 'khyog po che'i gdan sa mang du mdzad/ de'i tshe rkyang 'dur du chos bar la byon nas kun mkhyen chos sku 'od
zer ba la/ sbyor drug rigs mi 'dra ba mang po gsan dus/ rnam pa thams cad pa'i sku rags pa bsam gyis mi khyab pa dang / phra ba chen mo'i steng na bzhugs pa'i dzambu'i gling du mi shong snyam pa dang /
nang gi dbang po drug ting nge 'dzin gyi yul drug la 'byams nas 'gro ba byung / de nas dus 'khor rgyud 'grel/ gsang 'dus 'phags skor/ bde mchog rtsa sdom/ kyai rdor sa lugs/ rngog lugs/