R1179: dpal dus kyi 'khor lo'i brgyud pa rin po che'i rtogs pa brjod pa dpag bsam gyi snye ma/ {bod yig glog rdul dpe cha/}

  • Pagination (Witness A): 4b
[A:4b]dang bcas pa'i lhan cig skyes pa mi g.yo bar rang rig pa'i mngon sum gyis mi 'gyur ba'i bde ba skad cig ma stong brgyad brgya re thob pa na/ bde ba des snyigs ma'i phung khams cha nyi khri chig stong drug brgyar
byas pa'i cha stong brgyad brgya re zos nas dngos te sa dang po thob po// de lta bu'i tshul gyis chos kyi mchog la sa bcu gnyis su rnam par bzhag pa'i sa bcu gnyis thob/ de'i tshe rten 'brel bcu gnyis kyi bdag
nyid 'khor ba'i lus ngag yid zad cing 'dzag bde 'pho ba'i bag chags 'gags te/ mi 'gyur ba'i bde ba'i ye shes skad cig nyi khri chig stong drug brgya rdzogs/ mthong ba'i lam dang / slob pa'i zung 'jug
dang / rnam pa thams cad pa'i mchog dang ldan pa'i rdo rje 'dzin pa'i sku dang / 'phags pa'i sa dang po rab tu dga' ba dang / dbang thob pa'i byang chub sems dpa' dang skal ba mnyam pa'i ye shes kyi sku zhes
pa grub po// grub pa'i ye shes kyi sku'i mtshan nyid kyang / lus ni dang zhing rdul phran nyams pa nam mkha' dang mtshungs mtshan la sogs pa rnams kyis rab rdzogs 'gyur// sna tshogs 'jig rten gsum
po nyid ni dang zhing sgrib pa rnam par bral ba rmi lam bzhin du snang // skad ni kun nas chad pa med cing du ma'i skad gzhan dag gis gzhan gyi snying la 'jug pa ste// sems ni dam pa'i bde bas gang zhing mi
sakya research centre 2011-2025 | Log in