[A:201]
pa'i dbang chog gi steng nas dbang bskur mtha' dag legs par thob pa'i brgyud pa ni/ rje btsun ma 'phags ma sgrol ma/ grub pa'i slob dpon rnam gsum/ 'jigs bral gyi slob dpon chen po padma 'od gsal mdo sngags gling pa'am/ 'jam pa'i dbyangs mkhyen brtse'i dbang po/ rdo rje 'chang ngag dbang yon tan rgya mtsho'am/ o rgyan bstan gnyis gling pa/ de gnyis kas bdag blo gter dbang por thugs dgyes bzhin du stsal to// ! //
rtsa ba'i sa bcad gnyis pa dbang las thob pa'i ye shes kyi rgyun bskyangs shing gong nas gong du 'phel pas 'bras bu'i go 'phang la sbyor bar byed pa'i thabs rim pa gnyis kyi lam zab mo yan lag dang bcas pa'i khrid kyi rim pa la/ thog mar dpal sa skya pa brtse ba chen po kun dga' snying po zhes sa gsum na snyan par grags pa de nyid la rje btsun 'jam dbyangs mgon po sems dpa' gnyis dang bcas pas zhal mngon du gzigs nas dngos su stsal ba'i blo sbyong zhen pa bzhi bral gyi nyams khrid/ rje btsun rin po che/ sa skya paNDi ta/ nub pa rig 'dzin grags/ kun dga' legs pa/ ngag dbang legs grub rnams kyi yig steng nas sbyor ba skyabs 'gro/ dngos gzhi tshe 'di la sogs kyi dmigs rkang dal 'byor rnyed dka'/ 'chi ba mi rtag 'khor ba la zhen na sogs kyi don 'khor ba'i nyes dmigs/ las rgyu 'bras/ bdag don la zhen na sogs kyi don byams pa/ snying rje/ byang chub kyi sems/ de la spyod pa dang bcas pa/ 'dzin pa byung na sogs kyi don zhi gnas/ lhag mthong / zung 'jug bsgoms pa dang bcas pa legs