la sogs pa byung / lus shin tu bde ba dang / yang ba/ sems bde ba dang / yid gsal ba/ rnam par mi rtog pa dang ldan no/ /bu mo de'i bsam pa la nga skyes pa dang ni ma nyal/ lus ni sbrum pas bram ze'i rigs kyang smad/ yul mi kun yang gshe yong ngo tsha rnyed nas ming po'i chung ma mna' ma la 'di skad smras so/ /ngas skyes pa dang ni ma nyal/ lus ni sbrum/ srog 'dor ram snyam byas/ mna' mas ming po la smras pas/ ming po na re/ de la shi phod mi dgos/ de byang chub sems dpa'i sprul pa sems can gyi don byed pa zhig yong ba yin/ mo rang gi dpal du yong gyis shig de skad chung ma la bsrings nas/ ming pos ji skad zer ba bzhin du mna' mas bram ze mo la smras so/ /de nas zla ba tshang ba dang khye'u zhig btsas par gyur to/ /byis pa shin tu legs pa mtshan dang ldan pa gcig byung ngo / /de bram ze mtshan mkhan la bstan pas/ mtshan shin tu bzang bas ming yang bde mchog dus kyi snying po bya bar btags so/ /der byis pa shin tu skyed che ba/ dad pa dang ldan pa/ blo rno ba/ shes rab che ba zhig byung nas lo lnga la lon pa na/ ma la nga'i pha'i las skal ci yin dris pas/ ma yis bu khyod la pha med pa yin/ las skal du chos byed dgos smras pas/ 'o na chos slob tu 'gro bas ma yis gnang bar mdzod ces zer nas slob dpon dharma bho dhi bya ba paNDi ta mkhas pa zhig la chos zhu bar phyin pas khye'u lo lnga pas chos sde snod rgyud sde mi go gsungs nas chos sgrung dang / lde'u dang / drang don gyi chos bshad pas bram ze mo'ibu blo ma khengs nas da slob dpon gzhan zhig 'tshol snyam nas yul gzhan zhig tu song bas/ lam khar khye'u mdzes pa rig pa dang ldan pa gnyis dang 'phrad de/ der khyed gnyis gar 'gro zhes dris pas khye'u gnyis na re/ nga rgyal po'i bu yin/ khong blon po'i bu yin/ nged gnyis 'khor la ba skyo ba skyes/ yang dag pa'i chos shig 'tshol bas/ o rgyan gyi yul na dus gsum gyi sangs rgyas thugs kyi sprul pa slob dpon chen po yang sprul dga' rab rdo rje zhes bya ba da lta nyid du rang grol du 'gro ba'i chos ston pa zhig bzhugs zer/ de'i drung du chos zhur 'gro zhes smras pas/ 'o na nga yang bram ze'i bu zhig yin/ khyed gnyis dang 'grogs nas 'gro zhes smras nas der khye'u gsum gyis slob dpon dga' rab rdo rje'i drung du phyin pa dang mjal nas gser gyi pa Ta phyag rten du phul te/ slob dpon chen po lags nged cag gsum la tshe 'di nyid la sgyu lus kyi phung po 'di lus ngag yid gsum ma spangs par 'bras bu phung po lhag med du 'gro ba/ lta dgongs thams cad kyi phul du byung ba sangs rgya ba'i chos shig zhus 'tshal zhus pas rgyal bu la dgongs pa klong chen rab 'byams kyi rgyud gnang / bram ze'i bu la star kha gegs sel gyi rgyud gnang / blon po'i bu la lta ba shan 'byed kyi rgyud gnang ngo / /bram ze'i bu la khyod 'phags pa'i sprul pa yin pas lha 'phags pa thugs rje chen po sgoms/ snying po yi ge drug pa zlos/ 'gro ba rigs drug gi sgrib pa sbyong ba yin no/ oM ni ye shes lnga ma 'gag cir yang 'char/ /lta ba mtha' bral rten dang bral/ /ma ni ma bcos rang lugs rtsol dang bral/ /spros bral mnyam pa nyid kyi ngang / /ma btsal rang bzhag sgom pa yin/ /Ni ni rigs pa sems kyi gzhi/