yal ba ltar mi snang bar gshegs so/ /de nas ma he'i rdzi bos dgong mo de bzhin ma he ded nas 'ongs pas yul mi rnams kyis thugs rje chen po 'od sgor re byon par mthong nas/ kun gyis ma he'i rdzi bo la phyag 'tshal me tog gtor/ skor ba byas pas ma he'i rdzi bos smras pa/ khyed yul mi kun su dang nor/ nga ni ma he'i rdzi bo yin zhes smras pas/ yul mi kun na re/ khyed ni 'phags pa thugs rje chen po'i skur snang ngo / /bdag cag gi phyag dang mchod pa'i gnas yin no/ /zhes smras nas/ de mchod gnas su zhus pas ma he'i rdzi bo de lus ma spangs par phung po lha'i skur gyur nas dag pa mkha' spyod du gshegs te zhag re la 'dzam bu gling dang 'gro ba rigs drug gi gnas lan gsum bskor zhing / skal ldan rnams dngos grub su 'dod mchog dang thun mong gi dngos grub nga la longs zhes gsung zhing byon pa yin te/ sems can las kyi sgrib pa ma dag pa rnams kyis mi mthong ba yin no/ /phyag shing la snying po 'bur du dod yod do/ /nub phyogs par pa ta na'i gtsug lag khang gi slob dpon klu sgrub kyi dgon pa gser gyi brag bya skyibs can bya ba na da lta yang bzhugs so/ /de ni gsung rab byung byon pa'i lo rgyus so/ /spyan ras gzigs kyi sku rang byung du byon du byon nas 'gro don ji ltar mdzad pa ni/ rgya gar ma ha dha'i nub phyogs na tshong dpon mdzes pa'i blo gros zhes bya ba thugs rje chen po la mos pa/ chos la dad pa/ brtson 'grus kyi pha rol tu phyin pa'i dka' ba dang du len pa zhig yod pas/ rgya mon gyi ri khrod na tsan dan gyi sdong po gcig la skor ba byed cing 'phags pa spyan ras gzigs la yang gsol ba 'debs shing / oM ma Ni padme hUM/ zhes yi ge drug pa'i snying po 'di bzlas nas kho tshe'i dus byed khar sman lam btab/ tsan dan gyi sdong po 'di thugs rje chen po'i skur gyur nas nga sems can gyi don byed par gyur cig ces smon lam btab po/ /tshe'i dus byas te 'das gyur to/ /sdong po de'i rtsar kho'i phung po bsregs pa dang sang phod lo dus su phung po bsregs pa'i shul na tshur shing gi lba ba chen po zhig skyes so/ /lba ba de gas pa dang de nas 'od zer kha dog sna lnga 'phros pas/ thugs rje chen po spyan ras gzigs dbang phyug sku rang byung du byon te/ dbus na budha lo ki shwa ra zhes bya ste/ sku mdog dkar po zhal bcu gcig pa phyag bcu pa zig byon te nam mkha' la gshegs skad do/ /shar phyogs su badzra lo ki shwa ra zes bya ste/ rdo rje'i rigs sngon mo byon/ lho phyogs nas radna lo ki shwa ra zhes bya ste rin chen rigs gser po byon/ nub phyogs nas pad ma lo ki shwa ra zhes bya ste/ pad ma'i rigs dmar po byon byang phyogs nas karma lo ki shwa ra zhes bya ste las kyi rigs sku mdog ljang khur byon no/ /de'i dus su rgyal po byang chub sems dpa' srong btsan sgam po'i thugs dgongs la/ da rung rgya gar dang lha bal na mchod gnas ngo mtshar can 'dra yod yong bas spyan drangs la sems can gyi don bya snyam nas tsan dan gyi sku la gsol ba btab nas mchod pa byas pas/ lha'i sku las 'od zer byung nas lho bar du song ngo / /der 'od zer gang song gzigs pas rgya gar dang bal po'i yul gyi phar ngos na tsan dan ha ri'i sdong po la 'phags pa'i sku lnga byon nas bzhugs pa gzigs pa 'od zer gyi sna