rgyal po thugs zab pas da dung blon po la/ khyed kyi rgyal pos nged la sdigs re gtong bar 'dug ste des mi phan/ rgyal po yod pa'i dus na chos dar dgos pas de la dkon mchog gsum gyi rten dgos/ de bzhugs pa'i lha khang dgos pas khyed la med pas/ bod du gtsug lag khang brtsig nus pa yod dam/ de nus na ngas lha gcig sbyin te/ mi nus na mi ster gyis la dris las shog gsungs pas/ blon po mgar gyis yang phyag byas te rje lags/ de la rgya nag dang bod bar sa thag ring po la 'phrin gcig la phar skyel tshur skyel byas na lha gcig kong jo gdan 'drongs pa'i dus mi 'ong / de'i lan du bka' shog sgrom bu 'di bskur ba lags zhes sgrom bu phyag tu phul ba phye ste gzigs pas/ sngar ltar yi ge byung bas khyed nga la gtsug lag khang med zer nas snyad byed na/ ngas sprul pa'i bzo bo bsam gyis mi khyab pa sprul la bod yul du lha khang brgya rtsa brgyad bzhengs te sgo thams cad rgya yi yul la gtad la bzhag bya ba byung / de ltar ma yin pa nga la lha gcig mi ster na/ ngas sprul pa'i dmag mi dpag tu med pa sprul la khyed kyi yul thams cad gzhom pham byas ba byung nas/ rgyal po bred nas blon po rnams kyis brten te pho brang du gshegs so/ /phyi nas rgyal po'i thugs dgongs la/ bu mo mthar bod la gtang dgos par 'dug snyam ste/ rgyal po dang / rgyal mo dang / rgyal bu dang /
(lha gcig)
tsho tshogs nas rgyal blon tsho gros byas pas/ yab na re/ rgya gar chos kyi 'byung sa yin pas rgya gar chos kyi rgyal po la byin zer/ yum na re/ rgya gar la longs spyod med sprang po dang 'dra bas longs spyod dgos te/ stag gzig nor gyi rgyal por ster zer ro/ /ming po na re/ srid dgos pas khrom ge sar dmag gi rgyal po la sbyin zer/ lha gcig kong jo rang byad bzhin legs pa la dga' bas nga khrom la 'gro zer ro/ /de yang khrom gyi rgyal po shin tu legs pas de la mo chags nas yong du re bas rgyal po la yang de bzhin du yod do/ /de'i blon po rnams na re/ bod la kong jo mi ster zer ro bod kyis rgya'i gyen po thams cad bsad pa yin zer ro/ /bod la mos pa dang dga' ba gang yang med kyang khrims kyis nye ring byar mi btub pas/ rgyal pos nga'i lha gcig 'di khyed mi rigs bzhi'i blon po rig pa gang rno ba la ster gsungs pas/ der rig pa 'gran du bcug pa las/ rgya'i rgyal po rje seng ge gtsan pa la g.yu bre zhabs tsam g.yu zhags 'khyil ba bya ba yod pa de la dar thag sus tshud pa la lha gcig ster bas sus tshud 'gran pa las/ gzhan rnams kyis nyi ma mang por thabs ci byas kyang ma tshud pas/ khong tsho dbang dang nor yang che/ rgyal po yang khong tsho la dga' yang thabs rdugs nas ma tshud do zhes/ der bod kyi blon po'i lag tu g.yu zhags 'khyil ba gtad pa las/ bod kyi blon po mgar stong btsan yul bzung gis rgya'i grog ma che ba gcig bzung nas de zan gyis gsos te/ nyi ma tsha po la grog ma'i sked pa la dar skud btags te/ de la dar gyi thi gu btags/ de la dar yug btags nas mig nang phar dal bus phus btab palas phar ngos kyi g.yu'i mig nang rwa co snyong ste byung bas der thag pa je sbom thon te dar yug 'then nas thag pa tshud pas/ g.yu'i thag pa nged kyis tshud pas nged la lha gcig ster dgos byas kyang ma ster/ da bya