ba bu brgya ngos sus shes pa la lha gcig ster ro zer bas shes kyang ma byin/ shing gzhog gru bzhi po rtse mo dang rtsa ba ngos zin pa la lha gcig ster zer ba la ngos zin yang ma ster/ yang khang bzang bzhir g.yog mo bzhi bskos/ snye bo mi rair lug re/ cha tshos re drangs nas 'di rnams nyin re la bza' ba zin pa/ lpags pa mnyed tshar ba/ chang 'thung sus tshar ba la lha gcig ster zer bas gzhan rnams kyis sha dus gcig la yog zas byas/ chang yang btung byas kyang sha la sun nas bzas ma tshar/ chang gis kyang bzi nas 'thung ma tshar ba las/ blon po mgar gyis gral rim gyis sha kham re zo/ chang hub re byas nas rim gyis btung bas sha yang bzas tshar/ chang yang btung tshar/ rje chang gis ma bzi ba dang / sha rnams legs par zos zin/ pags pa yang gral rim gyis mnyed tshar bas/ lha gcig nged la ster dgos byas pas/ der rgyal pos bod la lha gcig bkas gnang ba las/ nged la lha gcig mi ster zer bas/ stag gcig na re/ nged la mi ster na yul mes bsreta zer/ khrom na re/ nged la lha gcig mi ster na yul du chu 'dren zer/ de la sogs pa'i 'phrul 'gran pas sus kyang bod kyi blon pa'i rig pa ma thub po/ /da nged la lha gcig zhu byas pas nub gcig gi tshe rnga zhig brdungs pa dang snye bo rnams la spyod lam ston pa'i g.yog mo rnams na re/ rgyal po'i pho brang du snye bo rnams la shog bya ba'i rnga yin pas da chas zer/ der snye bo rnams rgyugs nas song ste/ bod kyi blon po'i bsam pa la rnga 'di skyon can zhig yin snyam nas kho rang gi 'dug sa'i sgo yi ya them la mtshal gyis rdo rje gcig bris/ ma them la g.yung drung ris gcig bris te sgo rnams bgrangs shing song / sgo re la mtshan ma re btab ste phyin no/ rgyal po'i pho brang du phyin pa'i tshe dga' ston chen po gnang nas thams cad bzi ba dang / rgyal po na re/ da rgya srang ma 'dzol bar phyin pa la lha gcig ster zer nas/ der blon po gzhan rnams chang gis bzi ba dang sgo 'chol te ma rnyed do/ /de nas blon mgar gyis bod rnams khrid nas me sgron btegs te mtshan ma btab pa lta bzhin phyin pas/ rang gi khyim du tshud de mal du nyal yod pas/ phyi nyin nangs par blta bar btang bas gzhan rnams kyi 'dzol nas lam yang ma rnyed par srang bar thams cad du nyal nas bsdad 'dug bod kyi blon pos khang pa ma 'dzol bar rnyed 'dug pas/ lha gcig bkas gnang 'tshal byas pas/ rgyal pos da lha gcig kong jo bu mo brgya'i khrod du bcug la sus ngo shes pa de la ster ro ngos zungs shig gsungs pa la/ sngar gyi rnams ma nor bar byung ngo / /de nas bod kyi blon po rig pa can des/ kong jo'i sngar nas kyi g.yog mo gcig yod pa la ci za ba'i phyed phyed byin te/ gzhan yang rngan pa phag tu byin nas sems bzung ba dang / sang kog jo bu mo brgya'i khrod du yong bar yod pas de khyod kyis nga la ma nor ston dgos byas pas/ 'bras kyi sog ma ske la byugs te chad pa yong bya ba'i brda' byas/ blon pos khyed la chad pa mi yong ba'i thabs yod bya ba'i brda byas pas/ de ltar yod na smra ba'i 'dzum byas te/ de nas blon po mgar gyis sgyed bu gsum gyi steng du zangs chus bkang ba de kha bcad de rba bar g.yog mo bcug lcags kyi se ru'i nang nas mar smrar bcug pa/ kong jo la