nyid sangs rgyas ye shes 'byung gnas 'od ces bya bar gyur nas sangs rgyas par mdo sde sprin chen po las gsungs so/ /de'i 'og tu bskal pa drug cur sangs rgyas mi 'byung ngo / /de'i 'og tu bskal pa snyan pa dang / grags pa chen po la sangs rgyas khri 'byung zhing / de'i 'og tu dpe skar ma lta bu la sangs rgyas khri 'bum khri phrag gcig 'byung la/ de'i 'og tu bskal pa sum brgyar sangs rgyas mi 'byung zhing / de'i 'og tu bskal pa yon tan bkod pa zhes bya ba la sangs rgyas brgyad khri bzhi stong 'byung bar mdo sde kha cig las gsungs pas/ sangs rgyas byon pa nyung zhing med pa'i bskal pa mang bas/ yar 'phel la ni 'khor los sgyur ba'i rgyal po rnams 'byung ste/ mar 'grib pa la ni mnga' thang chen po mi rdogs pa'i phyir ro/ /mar 'grib pa la tshe lo brgya pa mar bcad/ snyigs ma lnga bdo bas sems can 'dul dka' ba rnams la/ 'dul byed kyi ston pa sangs rgyas rnams 'byon pa yin te/ rang sangs rgyas rnams ni yar 'phel dang mar 'grib gnyis la 'byung ngo / de ni bye brag tu skabs don la 'gro ba'i don la longs spyod rdzogs pa'i sku/ de'i sprul sku chung ngu'i bye brag stong gsum gyi stong chen po mi mjed 'jig rten gyi khams shAkya thub pa'i zhing khams mnyam du 'jig cing 'byung ba de la/ bskal pa chen gcig ces bya/ bskal pa'i ming sprul sku stong 'byung bas na bskal pa chen zhes lha rnams kyis btags so/ /de 'dzam bu gling bye ba phrag brgyar yod par/ sprul sku chung ngu stong dus gcig tu 'byur bar snang yang / de rnams kyi zhing khams kyang gcig gdul bya'i sems can yang 'dra/ mdzad pa'i 'phrin las kyang 'dra zhid mthun pas na/ sangs rgyas stong zhes mdo bskal pa bzang po bsdus pa yin no/ /de ltar yin par yang sangs rgyas phal po che las/ tshong dpon gyi bu'i bla ma gcig gis lung bstan pa/ song rigs kyi bu/ lum bi ni'i nags srung pa'i lha mo gzi brjid blo gros zhes bya ba 'dug gis/ de la gdams pa dang rjes su bstan pa zhus shig dang / des khyod la ston par 'gyur ro gsungs nas/ der gzi brjid blo gros kyi drung du phyin nas/ phyag dang skor ba byas pas/ lha mo bdag gis byang chub mchog tu sems ni bskyed de byang chub sems dpa'i bslab pa la nan tan du bya bar 'tshal na/ khyod kyis bstan du gsol zhes zhus pas/ lha mos gsungs pa/ rigs kyi bu ngas ni ci yang mi shes kyis/ 'on kyang yang dag par rdzogs pa'i sangs rgyas rnam par snang mdzad chen po 'di nyid 'gro ba sems can gyi don du sangs rgyas 'khor ba 'jig dang / gser thub dang / 'od srungs dang / shAkya thub par sprul nas/ lum ba'i ni'i nags 'dabs 'di nyid du sku bltams nas mdzad pa bcu gnyis kyi tshul gyis 'gro ba sems can gyi don mdzad pas de'i mdzad pa dang 'phrin las rnams ngas bltas pa yin no/ /song rigs kyi bu/ sum cu rtsa gsum gyi gnas na sangs rgyas stong gi sku bskrun pa'i yum chen mo sgyu 'phrul zhes bya ba 'dug gi de la gdams ngag rjes su bstan par zhus shig khyod la ston par 'gyur ro zhes gsungs nas/ nor bzang gis lha mo sgyu 'phrul gyi drung du phyin te/ 'di skad ces gsol te/ lha mo bdag gis byang chub kyi mchog tu sems ni bskyed na/ byang chub sems dpa'i bslab pa la nan tan du bya bar 'tshal na/ bstan du