gsol zhus pas/ dus gsum gyi yum chen mo lha mo sgyu 'phrul gyis gsungs pa/ rigs kyi bu ngas ni ci yang mi shes kyis/ 'on kyang sangs rgyas rnam par snang mdzad 'di nyid/ sems can ma lus pa'i don du 'khor ba 'jig dang / gser thub dang / 'od srungs dang / shAkya thub pa'i yum yang ngas byas so/ /ma 'ongs pa na bskal pa bzang po 'di la byams pa'am/ seng gi nas gcung mos pa'i bar du'ang / sku bskrun zhing bskyed pa'ang ngas byed pa yin no/ /zhes gsungs pa/ bskal pa bzang po 'di la sangs rgyas stong byon pa'am/ rnam snang chen po'i sprul pa'o/ /de las don gyi dbang du byas na/ sangs rgyas stong gi nang nas shAkya thub pa zhes mtshan du gsol ba 'di ni/ sprul sku rab tu byung ba'i cha lugs su byon te/ gzhan don 'phrin las kyi tshul ni/ theg pa chen po rgyud bla ma las/ thugs rje chen po 'jig rtan mkhyen/ /'jig rten kun la gzigs nas ni/ /chos kyi sku las ma g.yos par/ /sprul sku'i rang bzhin sna tshogs kyis/ /skye ba mngon par skye ba dang / /dga' ldan gnas nas 'pho ba dang / /lhums su 'jug dang bltas pa dang / /bzo'i gnas la mkhas pa dang / /btsun mo'i 'khor dang rol ba dang / /nges 'byung dka' ba spyad pa dang / /byang chub chos kyi 'khor lo bskor/ /mya ngan 'das par gshegs pa rnams/ /yongs su ma dag zhing rnams su/ /srid pa ji srid gnas par ston/ /zhes pa de rnams ni 'phags pa spyan ras gzigs dbang phyug gis rnam par sprul pa yin te/ phyag stong 'khor los sgyur ba'i rgyal po stong / /spyan stong bskal pa bzang po'i sangs rgyas stong / /gang la gang 'dug de la der ston pa'i/ /btsun pa spyan ras gzigs te thugs rje'i bdag /ces gsungs pas/ sangs rgyas de rnams kyang rnam par sprul pa'o/ /mdo bskal pa bzang po las/ sngon bskal pa mdzes par snang ba la/ 'jig rten gyi khams rnam par brgyan pa zhes bya bar sangs rgyas sdong po yon tan mtha' yas yin chen sna tshogs bkod pa'i rgyal po zhes bya ba gcig byon te/ de'i tshe sangs rgyas mar me mdzad 'khor los sgyur ba'i rgyal po yul 'khor srung zhes bya bar gyur pa las/ btsun mo bdud 'bum yod pa de'i nas/ stong rtsa gnyis yod pa las/ sras stong thams pa byung ba'i che shos rgyal bu rnam par dag pa'i blo gros ni sangs rgyas 'khor ba 'jig go /de nas rim gyis chung shos rgyal bu blo gros mtha' yas ni/ sangs rgyas rnam par snang mdzad mos pa zhes bya'o/ /btsu na mo gnyis la sras med nas/ drang srong mngon shes can dang rang sangs rgyas rnams bsnyen bkur byas/ mchod spyin gyis mnyes par byas pas/ drang srong na re/ ri bo gangs can las sman blangs te/ bcud bsdus nas blud na sras 'byung ngo / /zhes bstan pas/ de bzhin du byas pas sras byung ngo / /sras de rnams sangs rgyas par shes nas/ rin po che sna tshogs kyi dkyil 'khor bshams/ mchod pa rgya chen po byas/ sbyin pa phyogs med bkyes nas/ sras thams cad kyi ming bris nas/ rin po che sna tshogs kyis brgyan pa'i phra men gyi bum par bcug zhag bdun du bsgrubs/ mchod pa byas/ sangs rgyas rin chen mtha' yas la dbang bskur bar zhus nas/ khrus byas nas bum pa'i nang nas ming byang rnams bton pas/ dang po la rgyal bu gzhon bu rnam par dag pa'i blo gros byung ste/ sangs rgyas 'khor