phrag dgu dang / bye ba phrag gnyis zhing so sor lung bstan te/ sangs rgyas snying po'i gcen gcung tsho la lung bstan to/ /bram ze rgya mtsho'i rdul gyi slob ma bye ba phrag gsum lung bstan/ rig byed slob pa'i bram ze stong yod pa la bram ze'i khye'u skar ma skyong ni/ zhing 'di mi mjed du gyur pa'i dus/ tshe lo brgyad khri pa'i dus su/ sangs rgyas 'khor ba 'ig tu lung bstan/ bram ze khye'u kun gyis srung ba ni/ mkha' mdzod snying rje brtan du btags te/ tshe lo nyi khri thub pa na/ 'od srungs su lung bstan to/ /brab ze drod bya ba'i bu dri ma med pa ni/ de nas lo khri 'das pa na/ dus nyams nas/ de nas mtshon gyi bskal pa bar ma la/ lha las babs nas sems can gyi mgon mdzad do/ /tshe la brgyad khri pa la byams par lung bstan/ bram ze rgya mtsho'i rdul ni/ rnying rje chen por btags te/ tshe lo brgya pa shAkya thub par lung bstan/ de'i dus su gnas 'gro zhes bya'i bram ze gcig gis/ dus de nas bzung srid pa tha ma la thug gi bar du smon lam btab ste/ byang chub tu lung ston par gyur cig ces byas so/ /rgya mtsho'i lha mo shin tu dul ba'i blo gros kyis ni/ ma ru smon lam btab/ brgya byin mu khyud can dang / brgya byin pha rol sems shes gnyis kyi shes rab can gyi mchog sha ri'i bu dang / rdzu 'phrul can gyi mchog mo'u 'gal gyi bu ru smon lam btab/ brgya byin spyad spyod lha mdzes tshogs zhes bya bas sras su smon lam btab/
(ri rtsi'i lha mo de ba ki shu kas btsun mor smon lam btab )
lha min dbang po mdzes spyod kyis kun dga' bor smon lam btab/ tshong pa mi 'gyur 'jigs byed kyis bram ze dge slong la dga' bar smon lam btab/ longs spyod rdzogs sku chen po de'i/ sprul sku chung ngu stong 'byon pa yin te/ sangs rgyas stong po 'di ni phyir yang mdo sangs rgyas phal po che las/ lung bstan gyi dbye ba bcur gsungs te/ bla ma dge ba'i bshes gnyen lung bstan pa dang gcig dgongs pa 'dus pa'i mdo las/ sems can mngon du gyur ba'i che/ /yon tan rgyun mi chad ces so/ /'das pa'i sangs rgyas kyis lung bstan pa dang nyis/ gser lung mthun japa'i mdo las/ sangs rgyas rabs bdun la gcig gis lung bstan pa dang / mgon po gcig la gcig gis lung bstan pa dang gsum/ pad ma dkar po'i mdo las/ bla na med lung bstan rab thob ste/ mgon po gcig la gcig gis lung bstan to/ /zhes so/ /chos de mdo rgyud nas lung bstan pa dang bzhi/ dpa' bar 'gro ba'i ting nge 'dzin las sems bskyed de lung bstan pa dang lnga / sems bskyed pa'i gong du lung bstan pa ni/ byang chub sems dpa' seng ge'i sgra bsgrags dang / khyim bdag dga' bo gnyis lung bstan pa dang drug sems bskyed ma thug tu lung bstan pa/ byang chub sems dpa' 'jam dpal dang / zhi ldan gnyis lung bstan pa dang bdun/ gsang rde lung bstan pa ni/ byang chub sems dpa' ye shes tog dang / khyad par blo gros gnyis lung bstan pa dang brgyad/ bskal pa bzang po'i byang chub sems dpa' rnams ni/ chos nyid zab mo nges pa'i don la mi skrag par bzod pa thob nas rnal 'byor mngon sum du rang la rang gis lung bstan pa ni/ mdo 'phags pa bsdus pa las/ chos phyir srog kyang 'dor zhing rnal 'byor rab tu brtson/ /mi ldog lung bstan yin par rig par bya/ /zhes pa dang dgu/