so/ /lo lnga brgya ni dam pa'i chos ltar snang ngo / /sku gdung ni rgyas par 'gyur ro/ /mchod rten ni rgyas par 'gyur ro/ /de bzhin gshegs pa byams pa skye ba'i yul ni/ grong khyer rtogs pa'i blo gros zhes bya'o/ /rigs ni bram ze'o/ /'od ni dpag tshad gcig go/ /yab ni tshangs bzang zhes bya'o/ /yam ni tshangs pa dga' ma zhes bya'o/ /sras ni bsod nams stobs zhes bya'o/ /rim gro pa ni rgya mtsho zhes bya'o/ /shes rab can gyi mchog ni ye shes 'od ces bya'o/ /rdzu 'phrul can gyi mchog ni brtson 'grus brtan zhes bya'o/ /'dus pa dang po la ni nyan thos dgra bcom pa dung phyur phrag dgu dang / bye ba phrag gnyis so/ /gnyis pa la ni dung phyur phrag dgu dang bye ba phrag gnyis so/ /sku'i tshe'i tshad ni lo brgyad khri bzhi stong ngo / /dam pa'i chos ni lo brgyad khri'i bar du gnas so/ /sku gdung ni ril bu gcig tu 'dug go/ /mchod rten yang gcig tu zad do/ /de ltar sangs rgyas dgu brgya dgu bcu rtsa dgu rim pas byon nas/ nang gi gcung po seng ge snang mdzad ces bya ba/ de skye ba'i yul ni gzi brjid grags zhes bya'o/ /rigs rgyal rigs/ 'od dpag tu med do/ /yab ni legs mthong / yum ni blta bar 'os pa/ rim gro pa ni mngar can zhes bya/ shes rab can gyi mchog ni snang bar byed ces bya/ 'dus pa thun mong ma yin pa dpag tu med pa/ mi rnams kyi tshe tshad kyang dpag tu med do/ bstan pa ni lo stong mtha' yas par gnas so/ /sku gdung ni rgyas par 'gyur ro/ /mchod rten yang rgyas par 'gyur ro/ /zhes pa la sogs pa ste/ bskal pa bzang po las gsungs pa'i 'dul byed kyi ston pa ji ltar 'byung ba'i tshul lo/ /bskal pa bzang po 'di la sangs rgyas stong rtsa gnyis 'byon par gsungs/ snying rje pad ma dkar po las/ de yang sngon grangs med pa gang gA'i klung gi bye ma snyed cig 'das pa na/ zhing khams 'di bskal pa bzang po 'dzin pa zhes bya bar gyur/ gling bzhi 'dir rgyal po chen po rtsibs kyi mu khyud ces bya ba byung / rgyal po de la bla mchod mdun na 'don bram ze rgya mtsho'i rdul zhes bya ba zhig byung / de'i sras rgya mtsho'i snying po zhes bya ba byung / de sangs rgyas nas de bzhin gshegs pa rin chen snying po zhes bya bar gyur/ sangs rgyas des 'khor mang po lung bstan pa la/ rgyal po rtsibs kyi mu khyud ni sangs rgyas 'od dpag tu maid par bstan/ rgyal po de la sras stong yod pa de la/ sras kyi thu bo mig mi 'dzum pa zhes bya ba la/ spyan ras gzigs su mtshan btags te/ nub bde ba can gyi ming rin chen kun nas bsags su gyur pa'i dus su/ sangs rgyas 'od zer kun nas 'phags pa'i dpal brtsegs rgyal por lung bstan/ rgyal bu gnyis pa mu khyud la mthu chen thog tu btags te/ zhing de gar sangs rgyas rab tu brtan pa'i yon tan nor bu brtsegs pa'i rgyal por lung rgyal bu tshogs kyi dbang po la/ 'jam dpal gzhon nur gyur par btags te/ lho phyogs rdul pran yang dag bsags kyi zhing khams su de bzhin gshegs pa kun tu gzigs su lung bstan/ rgyal bu dgu pa sdig med mi bskyod par btags te/ shar pyogs zhing khams stong 'das pa na/ mngon par dga' ba'i zhing khams su sangs rgyas mi 'khrugs par lung bstan/ de ltar sras stong dang khams kyi rgyal phran brgyad khri bzhi stong dang / srog chags dung phyur