ju zhag brtsis pas thabs rnyed de/ bod kyi rgyal po dang / btsun mo/ blon po gsum la lta log dang spyad log gyim shang byas te/ 'dab nor dang / dpya skyes kyi tum bu gsum byas te bskur ro/ /khong gsum gyi phyag tu re re bzhag skad do/ /der gnam the dkar po/ bar the khra bo/ sa the nag po gsum zhugs nas/ der thugs su gdon gsol te/ rgyal khrims dang chos khrims rnal ma ma byung ste/ lo tsA ba la sogs mchod gnas rnams kyis/ rje mnga' bdag ral pa can gyis chos dang mthun par mdzad pa 'bangs kyi so tshis la sogs pa 'di ltar lags zhes zhib tu snyan du gsol bas kyang / btsan pos chos khrims sngar bzhin ma byung / rab tu byung ba kun gyis rje ral pa can la sras mi mnga'/ btsan po dar ma 'u dum la thugs rgyus mi mnga'/ chos khrims dar gyi mdud pa zhig tu nye zhes brtags pa'i tshig rtag tu smras pas/ btsan po'i sku shig gi phung por song / der lo gcig chos dang mthun pa tsam byung / de nas lo paN rnams kyi cos kyi sgra bsgyur ba'i 'phro lus/ mdo sde chos kyi rgyal po/ mya ngan las 'das pa'i mdo dang / spang gong phyag stong pa dang / yongs su rgyas pa rtogs pa chen po dang / sangs rgyas phal po che'i smad khog chad/ mdo sde za ma tog bkod pa dang lnga lus/ chos sgyur grwa zhig 'on jang rdo'i lha khang rje'i thugs dam dgu brtsegs dang / jo mo'i thugs dam tsan dan lha khang la zhal gro rab gnas ma 'grub par lus/ slad kyi btsan po sku dbang skyes pa dang 'gyur te/ blon po nag po la dga' kun dang gros byas te/ chos khrims la snyad gsol bar dgongs snyad ma rnyed/ paNDi ta dha ma shI sa/ rme rur mtshams bcad nas dzam bha la bsgrubs pas grub nas/ tsan dan gyi sku la rdo rje brgyab pas gser phye lte ba'i khung du nas slebs pa byung / de la rgyu byas te thugs rje chen po'i sku kha saraphaNi bzhengs/ se ru na bzhugs/ gsung gi rten gser gyi phyed dang sum stong pa 'ga' zhig bzhengs/ 'bras mo na bzhugs/ thugs kyi rten dngul gyi byams pa 'khun bu can la sogs pa rten mang du bzhengs so/ /nye gnas kha che ud pa las/ dngul gyi byams pa bzhengs nas lha sar bzhugs so/ /dgung 'dus kyi mchod pa bya bar grags pa btsugs/ dus der lha sa ru sad dang / ser ba dang / btsa' dang / mu ge dang / mi nad dang / phyugs nad byung bas/ de la btsan pos 'bangs kun la 'di lta bu byung ba cis can zhes dris pas/ nges cag gis mi shes zer bas/ ngas shes te sngon rgya mo kong co bya ba'i gnod sbyin mo zhig gis/ gnod sbyin gyi shAkya mu ne zer ba'i bkra mi shis pa gcig spyan drangs/ ri rab kyi rtse mor 'ongs nas lha yul thams cad pham par byas nas phung bar byas/ de nas o rgyan du 'ongs nas o rgyan thams cad phung bar byas/ de nas ma ga dhar 'ongs nas rgya dkar po thams cad phung bar byas/ de nas rgya nag por 'ongs nas rgya nag po thams cad phung bar byas/ de nas bod yul du 'ongs nas bod yul phung bar byas pa'i gtan tshigs mo pa dpyad la mkhas pa yin zer nas/ lcags po ri seng ge gnam du mchongs pal 'dra ba la/ sgal tshigs nyi shu rtsa gcig la/ mchod rten nyi shu rtsa gcig gis me btsa' bzhag spyi por mchod rten nag po khri dpangs dgu pas mnan/ mkhal khung du lha khang byas nas gtad la mnan/ de