ma mnan na rgya gar mnga' 'og tu 'du ba yin/ yang dmar po ri stag mo khung du 'dzul ba 'dra ba de sna la shing gnar ma'i phur pa gdab/ de ma btab na rgya nag dbang du 'du ba yin/ yang yar lungs yar sna'i gdong la/ ri 'bras kyi ljang pa 'dra ba yod/ de sked pa gcod/ ma bcad na bod la mu ge yong ba yin/ yang nyang ro na ri stag dang seng ge 'thab pa 'dra ba yod/ stag seng gnyis kyi mjug ma bsnol ba 'dra ba de gcod/ bar du rin po che'i mchod rten gyis mnan/ de ma mnan na/ btsan po 'phrul mnga' ba dang / blon po rig pa can rgyun mi 'chad par 'ong ba dang / bod la mi dpa' bo rgyun mi 'chad par 'ong ba yin/ drang srong srin po ri dang / rgya nag stong khun gnyis kyi bar na ri pi wang gi rgyud 'dra ba yod pa de las/ yul gang dang rdzas dang yon tan thams cad ma chad par 'ong ba yin/ de mos gnod par bya bar ma nus pas/ da lta yang rgyun mi 'chad pa yin no/ /bod 'bangs thams cad rab tu byung bas/ bud med bkag nas chos byed de zer nas/ shes rig thams cad rabs bcad nas bod kyi chab srid rgya'i pha ming la gtad 'dod pa yin/ bod kyi sa gnyan ri gnyan la bcos kha mang po byas pas/ mo rang mdzes khyer nas/ ro lhas sar bzhag nas bang so med pa de tsug yin zhes bya ba la sogs log pa'i lung mang po khrid nas/ da rgya gar gyi skad pa ra pi ra 'di la go rgyu gang yang med/ chos kyi nor btub pa mi yong / 'o cag rang thams cad chos pa'i rtags dang phral la khyim par 'jug zla ba drug tu yab mes kyi chos khrims bcas pa thams cad bshig go zhes gleng nas/ bka' shog bgyis khrims log byas nas/ blon po nag po'i phyogs la dga' ba rnams so sor bskos te/ btsun pa brtags bor du ma btub pa rnams mda' gzhu dang / rnga cha lang dang dung la sogs pa bskur nas/ khyi ra ba la byas/ der mi nyan pa kun srog dang phral/ rab tu byung ba tso snga dro shes rab kyi pha rol tu phyin pa gsungs/ phyi dro mngon pa gsung ba'i dus su mkhan slob kyis dbu mdzad pa'i dge sbyong tshul khrims mi gtong ba thams cad bsad/ de nas sngags pa rnams phab/ de'i dus su mthu che ba snubs nam mkha'i snying po yin pas/ der khong la skyon 'bebs zer bas/ khong na re/ yi dam gyi lha sgom du gsol zer bas/ sdigs mdzub gcig mdzad pas thog phab nas brag la brgyab pas/ rgyal po nyid la yang bya'o gsungs pas/ khyed la skyon mi dbab po/ /da phyin chad sngags pa la mi do 'o zhes zer ro/ nam mkha'i snying po shar phyogs su chos gos kyis gshog pa byas nas 'phur te/ rol mo'i sgra sna tshogs dang bcas pas bsus nas nam mkha' la gshegs so/ /slob dpon pad mas rab gnas mdzad pa'i lha khang mchod rten rmas bshig tu ma btub nas/ bsam yas dang / 'phrul snang la sogs pa rnams sgo la 'dag zhal brgyab/ glegs bam gyi po ti phal che ba lha sa'i brag lte ba can dang mchims phu'i rdza la sbas/ lha shAkya mu nes gtso byas/ lha yas mar 'ongs pa yar skyol/ mas yar 'ongs pa mar skyel bar byas pas/ blon po dad pa can kun na re/ btsan po'i thugs su gdon gsol bar nges/ mes srong btsan sgam po dang / bal mo bza' khri btsun dang / rgya mo bza' kong jo gsum ni sprul par 'dug de'i rjes nas dang / rgyal po byang chub sems dpa' rgyal po khri srong lde btsan