'phrul mnga' ba dang / blon po sbas gsal snang dang / 'gos rgan dpal/ ma grung snyan/ khri bzang yab lhag la sogs pa'i rig pa can mang po byon/ rje ral pa dang / ban chen po bran kha dpal gyi yon tan la sogs pa blon po rig pa can mang du byung yang / blon po nag po'i phyogs la dga' ba rnams kyis mi rigs pa byas/ da ni btsan pos chos khrims bshig 'dod pa'i snyad 'dogs pa yin/ lha shAkya mu ne la bod 'bangs thams cad kyi bde skyid re ba yin te zer lta zhing mya ngan byed cing mamig nas mchi ma gtong / de nas bod 'bangs dad pa can kun gyis lha yar mar spyan mi 'dren pa'i thabs byas so/ /rin po che jo bo'i sku sgul bar ma nus zhes snyan du gsol bas rje'i zhal nas gzu ba tshugs la bor zhig zer nas/ lha bzhugs khang du bye ma bting nas/ gzu bdang thag pa btags te 'then pas thag pa mang po chad/ de nas rje la zhus te/ sngon yang zhang ma zhang gis lha bye thems su sbas/ da de bzhin du bye thems su zhugs sam zhus pas/ de tsug gyis gsungs nas bye ma'i thems su bcug go/ /btsan po'i zhal nas/ jo bo shAkya mu ne sbas/ glo 'bur gyi byams pa la jo bo yin byas te/ chu la skyel bar byas te chad nas ra sa'i steng du cho nges btab pas lho nub dkyil 'khor gyi steng na/ btsan po mi dge ba'i khrims 'cha' bas thos nas/ ci zer tsi nyes zer ro/ /lha shAkya mu ne'i 'og na rgyal pos klu mthong ba'i dug can mnan 'dug byas pas/ sku phyir nam la ton zer 'don la khad/ da sku'i steng du bye ma blugs la bzhag byas pas/ de legs/ de ltar gyis zer/ shAkya mu ne'i bzhugs khang bye mas bkang / sgo la 'dag pa byugs/ rgyal po dga' la re nas btsun pa chang 'thung ba'i gzugs la sogs logs la byas bzhag byams pa'i sku smad ras kyis g.yogs/ mi dpung pa gzhibs pa'i bar nas btsan pos gzigs tsa na/ gser lhag lhag pa mthong bar byas te/ mi mang pos thag pa btags te drud pa zhag byas/ nyi ma nub pa dang / sku drud du ma btub 'o thang gi mtshor bskyur byas pas/ rung zer bas/ byams pa yar gdan drangs/ glo 'bur de nyid du sngon ma bzhin du bzhugs/ mtshor rdo bor nas swa btab pas/ btsan po na re/ de ci yin zer/ lha chur bskyur pa yin byas/ de shin tu legs zer/ nangs par blon po 'ga' chab kha na lta zhing sked pa kyog kyog byas pas/ btsan pos gzigs pas/ khyed tsho der ci byed zer/ sku 'tshol ba yin te mi 'dug nya sram gyi zos sam byas pas/ 'o de tsug yin shin tu legs zer ro/ /de'i dus su paNDi ta gu ya dang / snubs sangs rgyas ye shes gnyis skye ba sngon ma'i spun yin kapas/ nu bo bod la chos khrims bshig nas 'dug pa phu bo paNDi tas mngon shes kyis mthong nas/ bstan srung gshin rje dmar nag btang / ma mo dpon g.yog skyel du byon nas/ lam lho lam la 'grims te g.yog po ku ma ra dang gnyis byon pa dang / 'brog mi dpal gyi ye shes dang yar 'brog sha bo sgang du mjal/ paNDi ta gsang ba'i dbang phyug la zhabs thog byas nas dad cing gus pas zhus te/ srid pa'i ma mo rgyud dgu cha lag dang bcas pa bsgyur te/ mo bsgyur 'brog skor zhes su grags so/ /snubs sgregs pa sangs rgyas dang paNDi ta bha su dha ra rnam gnyis kyis chos rgyud gdams pa man ngag lag len dang bcas pa bsgyur/ chos kyi bka' babs lugs bdun byung