ste/ snyags dznyA na la g.yu sgra snying po dang / bi ma la'i sems sde dang / bdud rtsi'i bka' babs dang rje gu ru pad ma'i gshin rje gshed skor gsum gyi bka' babs/ rma rin che mchog la bi la ma sgyu 'phrul gyi bka' babs/ 'brog mi la ghu ya ma mo'i bka' babs/ rlangs chung dpal gyi seng ge la sangs rgyas gsang ba'i bka' babs/ nam mkha'i snying po la hUM ka ra'i yang dag dang / rje gu ru pad ma'i gshin rje gshed 'od byang gi bka' babs/ ka cog rnam gsum la dzi mi tra la sogs kyi mtshan nyid rnams kyi bka' babs/ de rnams las gyes pa'i chad tshul byung ste/ snyags dznyA na las dpal dgu ru gyes/ mkhar chen bza' dang / cog ro bza' las gyes pa dang / snyags dznyA na dang / sog po dpal gyi ye shes las gyes pa dang / sgregs pa sangs rgyas las gyes pa dang / rma rin chen mchog las mang gsum dang / khyung po dbyig 'od dang / khu byang chub 'od dang / zhang dznyA na sde gsum dam tshig nyams pas/ gsang ba snying po mchong med kyi skor zhes grags/ khyung po'i slob ma dar rje dpal gyi grags pa/ des sgrigs pa sangs rgyas te yongs su grags pa dbus lugs zhes zer/ khyung po las byung ba/ de rjes khams su bros nas bshad pa ni khams lugs zhes su grags/ khu byang chog 'od las gyes pa ni/ sgyu 'phrul bka' lugs zhes grags so/ /rgyal po glang dar mas bstan pa bsnubs dus su/ gcug lha sras gtsang ma spyugs pas/ yab mes kyi bka' dpe dang / zab chos kyi gdams pa rnams dang / drag sngags rnams dang / rje gu ru pad ma'i gdams pa rnams bsnams nas gshegs nas/ 'od khra snar lo gcig bzhugs nas/ de'i dus su blon po nag po rnams kyis/ gsod pas sdigs nas bzhugs su ma ster ba'i dus su/ nyang ting nge 'dzin bzang po/ snubs nam mkha'i snying po/ snyags dznyA na ku ma ra la sogs pa lo tsA ba chen po rnams 'tshogs te/ bka' bgros te/ de nas chos thams cad gter du sbas par byas te/ rgyud du 'khrugs pa sdeb pa/ lung gcus pa bsrong ba/ man ngag gab pa gsal ba'i gnad kyi yi ge la sogs pa rnams snyags dznyA na la btad de/ snyan khung thugs rgyud du byas te/ yi ge mi 'khyams par gtsigs bzung rgyas btab/ ral gcig ma dang dpal mgon lcam sring srung mar bzhag thugs gter du sbas/ po ti rnams la srang srong srin po ri/ la la dpal chu bo ri/ bzad kyi du ra gdong la sogs par brgya rtsa brgyad sbas/ kha yag la brgya rtsa brgyad sbas/ chos 'khor stod smad kyi gtsug lag khang so phag gis brtsigs/ lha sku rnam pa du ma sbas/ shangs kyi lha phur ma mo sbas/ ru bzi'i mtha' 'dul gyi sgrub gnas rnams su gter phran nyi shu rtsa brgyad sbas/ bum thang rin po che'i bzhugs gnas su pad ma'i chos gsum/ yig mdo nyi shu rtsa gsum dang bcas pa sbas/ nyang ting nge 'dzin gyis bi ma la'i rdzogs chen rnams dbu ru zha'i skyer tshang du gter rgya dang bcas nas sbas/ snyags ku ma ra la paNDi ta thams cad kyi bka' babs pa yin te/ des slob ma dpal chen dgu la gdams/ de rnams kyi bcud dang / nam mkha'i snying po la sogs kyi gnad don thams cad snubs sangs rgyas ye shes la bsdus te/ sgregs kyi yang rdzong na bzhugs so/ /de nas lha sras gtsang ma lho brag 'kho 'thing du byon/ zhig ral thams cad gsos/ gter tshan gcig sbas/ de nas spa