gyi sku drin gyis bskyabs nas chos kyi khungs btsal lo/ /de la bstan pa'i me ro smad nas bslangs pa ni/ dar mas bstan pa bsnubs nas mi rabs 'ga' nas langs te/ de yang yum brtan khri brtan po'i sras khri lde mgon po/ de'i sras rig pa mgon dang nyi 'od dpal mgon zhes bya ba gnyis byung / rig pa mgon gyi sras po khri lde/ de'i sras 'od po/ de la sras gsum ste/ a tsa ra/ mgon po btsa'/ mgon brtsegs so/ /nyid 'od dpal mgon gyis sras/ mgon spyod yin/ de'i sras tsha la na ye shes rgyal mtshan no/ de la 'od po'i sras mgon btsan dang tsha la na ye shes rgyal mtshan gnyis ka'i ring la tshul ji ltar bstan pa bslangs na/ bod dbus gtsang na bka' gdams pa bya ba rtsa ba bzhi sna yul la yod pa srung ba dang / dgag dbye bya zer nas dbyar zla gsum gsum srung la/ de min mi srung ba gcig dang gnyis kyi rtags tsam 'dzin pa las med pa la de'i dus su/ btsan po de nyid kyis dbus gtsang gi mi rnams la thar pa'i don 'byung bar bzhed pas/ sdom pa mtshan nyid pa blangs sa ga na yod rtsad bcad pas/ dang po rje dar mas bstan pa bsnubs nas dmar gtsang g.yo gsum mar bros pa las mched pa mdo khams smad na 'dug ces gsan no/ /khong gnyis kyis dbus gtsang nas dad pa can bskul lo/ /der bod dad pa can 'ga' zhig phyin/ dge bsnyen re tsam byas nas phyin pas ni sde pa 'phel ma nus so/ /de nas dbus gtsang gi mi khams nas sdom pa blangs pa la lo rgyus chos 'byung 'ga' yod do/ /mi bcu gnyis lam nas log pa gcig dang bcu gsum 'ongs/ bla chen dgongs pa gsal gyis mkhan po mdzad/ grum ye shes rgyal mtshan gyis slob dpon mdzad/ sgro mnya?dzu shrIs gsang ste mdzad nas/ dbus sha tshar gyi klu mes shes rab tshul khrims/ sum pa ye shes blo gros/ 'bring ye shes yon tan/ rag shi tshul khrims blo gros/ lo ston rdo rje dbang phyug tshong btsun shes rab seng ge/ 'a brgyad spun gnyis/ u pa ta ka ra dang lnga ni gtsang pa'o/ /lam rgod sna dang 'phrad pas/ klu mes rag shis sdom pa phog nas/ 'a btsun 'phags pa blo gros su ming btags/ mdo smad du ma byon pas sdom pa rnal ma med zer ba'ang byung / klu mes kyis grum la 'dul ba lo gcig gsan/ yar byon khar mkhan po la mos pa'i rten du na bza' gcig mchod gnas zhus pas/ khong rang gi dbu la gsol 'phrobon po'i zhwa 'ob dang gru bzhi ser po btab pa gcig gnang / de klu mes kyis gsol bas mo byis gcig na re/ skra lo 'dug zer bas/ klu mes kyi btsun zhes grags so/ /sde pa'i gtsug lag khang kun na yod do/ /mi lnga yar byon pa'i dus su mkhan po'i zhal bskos su springs pa/ klu mes mkhas btsun pas mkhan po gyis/ 'bring skyong mkhas pas gnas brtan gyis/ lo ston mthu che bas bstan pa srungs/ tshong seng ge blo rno bas ston pa gyis la chos shod/ sum pa la khyed rang sgrub pa gyis gsungs nas yar byon lugs so/ /mi lngar byed na/ klu mes/ sum pa/ dbus pa gsum mo/ /lo tsA ba gnyis te gtsang pa gnyis yin no/ /de yang dang po g.yog bcu yis rab tu byung zhing / mtha' 'khob kyi bsnyen par rdzogs par byas so/ /de yang yar byon pa'i lam du sba dang 'a gnyis dang mjal te/ klu mes las rab tu byung ngo / /de ltar mi lha'am bcu yar byon/ de nas khong rnams kyis sras su tad sna su la gtad