sras khri gnam lde 'od srungs yin no/ /chu mo phag la 'khrungs so/ /de dang cog ro bza' lha btsun rje legs su bshos pa'i sras rje dpal mgon btsan yino / /de cu mo glang la sku 'khrungs/ lo bcu gsum la rgyal sar bton/ de'i ring la gna' dasu bzang po rnams zhig mi rnams kyi bsam pa rnams 'gyur te/ rje la khengs log 'khrug pa byung ste/ dang po khams su byung / de nas bod 'od 'bar mchims su byung ste/ dar rje dpal gyi grags pa khams su bros/ de nas dbu ru/ g.yo ru/ g.yas ru/ ru lag dang gsum du byung / de nas dbu ru'i khengs log byung / de'i dus su snubs sangs rgyas ye shes kyis sprang por brdzus nas bal yul du bla ma rnams la mjal du 'gro dgongs nas/ gtsang na yar byon pa dang / lhan gyi lung mdar/ lcang gong phud dkar dang / g.yan ban ma bon dang mjal/ jo bo skyes mchog gang nas byon zus pas/ snubs yul rong nas 'ongs gsungs pas/ snubs sangs rgyas ye shes yin par shes nas/ bdag gis zla ba gcig gnyis kyi mthun rkyen dang / zhabs tog bgyid bzhugs par zhu byas pas/ rung gar skyid pha yul yin gsungs nas/ des mtshon pa byas nas so ye shes dbang phyug dang / khu lung yon tan rgya mtsho dang / dpa' 'gor blon chen 'phags pa dang / sru legs pa'i sgron ma dang / thugs kyi sras bzi rin po che gsum gyis dbang bskur stabags su zhus te/ de rnams la gdams pa so sor rdzogs par gnang ngo / /de'i dus su 'o bran dpal gyi gzhon nu snye mor bros pa las/ tsha bo blo gros dbang phyug la sogs pas rgyud pa mdzad/ snubs yon tan rgya mtsho la rgya gar dha na ta las gshin rje gshed kha yun dang / man ngag zam mo mang po de'i dus su gnang / de nas rgya gar du gshegs so/ /'o bran blo gros dbang phyug la rgya gar tsan dra gir tis gsin rje gshed 'theb rgya can la sogs pa gnang ste bsgyur ro/ /de gnyis gsang sngags snga 'gyur gyi gzhug mar song ste/ de nas gcig kyang 'gyur byang rnams bsgyur ba med do/ /dus phyis gzhan gyis btsal yang dpe cha dam dum 'dra en tsam ma yin pa/ paNDi ta dang chos gcig kyang ma rnyed de ma byung / dus de tsa na dbus gtsang na sdom pa dang bshad pa'i gdams ngag bka' chad nas med/ gtsug lag khang thams cad kyi lde mig btsun gzugs dbu gtsug phud can sham thabs gong ba can gyon pa 'ga' re'i ming gnas brtan dgra bcom par btags pas 'dzin/ mchims smad na chen po rgyal ba dang zhang lcam 'bre chung ba gnyis kyi klog shes pas mi shi ba'i dge bar glegs bam klog pa la/ byis pa dang bu chung shi ba la sum brgya pa klog mi che ba shi ba la bde chen 'don/ de gnyis sin tu shes rab che zer nas mkhan po ser po gdugs pa 'di bsdus par 'dug zer/ rtsa 'grel sdeb ma shes pas mkhan po'i dpe cha bshig gnas bltas pas/ mkhan po'i khar tsang gi chos de'i go ba legs pa zhig 'di na 'dug zer/ mkhan po na re/ sngon gyi bgres po kun gyi bsnyel yig rnying pa yin te mchi zer/ der yig sna la rtsal bshad 'ga' re 'phel/ dus der mdo smad na mkhan slob kyi bka' brgyud ma chad par 'dug bya ba'i grags pa cher thos so/ /de nas bstan pa'i me ro bslangs pa ni/ spu rang gi btsad po lha bla ma ye shes 'od dang / dbu ru'i khri lde mgon btsan dang / bsam yas kyi tsha la na ye shes rgyal mtshan dang gsum