mdo'i chos 'khor nya mar/ paNDi ta budha si shan tam ba dang / dhudha pa la dang / ka ma la gub ta gsum dang mjal nas zhu ba phul/ chos mang po bsgyur/ de'i dus su gtsug dgu dang / rdo rje 'byung ba la sogs pa dkyil 'khor cho ga rgyas pa thams cad bsgyur/ lo chen lo chung gnyis ka phyi nang gnyis la mkhas shing / khyad par du skye ba snga ma'i bag chags sad pas/ gsang sngags la mchog tu mkhas so/ /so so thar pa'i tshul khrims/ byang chub sems dpa'i sdom pa/ gsang sngags kyi dam tshig dang / lung nod pa yang mdzad nas/ kha che paNDi ta dharma pa la dang / pra ta ka ra warma dang / padma ka ra warma dang / mkhas pa mang po spyan drangs/ rang gi slob ma lo tsAb rma dge ba'i blo gros dang / mar lo rig pa'i gzhon nu/ cog ro ting 'dzin bzang po/ tshul khrims yon tan/ chos kyi blo gros/ shAkya blo gros la sogs pas kri yog gi 'grel pa dang / de gnyis 'dus pa'i don gyi 'grel pa/ a pa dha ras bkrol ba'i sangs rgyas gsang ba'i lugs dang / ko sa la'i rgyan zhes bya ba stong phrag bzhi pa/ shAkya bshes gnyen gyi bshad lungs dang / kun dga' snying po'i de kho na nyid snang ba'i bshad lugs stong phrag brgya pa dang / dpal mchog dang po'i stong phrag nyi shu lnga pa dang / rgyud rgyas pa'i bshad pa rdo rje rtse mo/ khams gsum rnam rgyal mgon po kun snang / ngan song sbyong ba thams cad gsan/ rnam par snang mdzad mngon par byang chub pa/ gzhan rgyud sde chen po bzhi'i bka' yang mang po bsgyur/ /dus phyis sngags mtshan nyid kyi 'gyur 'go thams cad lo tsA ba rin chen bzang pos btsugs pa yin te/ mkhas pa chen po de ni zhang zhung gi yul du sku 'khrungs pa yin/ gdung ni lhur bzo bya ba yin/ rigs rje rigs/ chung chung nas dad pa dang shes rab che ba/ 'jam dpal gyis byin gyis brlabs pa/ thugs rus dang spyad pa gzhan bas che ba ste/ sku tshe stod la kha che dang rgya gar du rab tu sbyangs pa chen po mdzad nas bka' bstan bcos tshad med pa bsgyur nas bshad rgyud kyi bstan pa dar bar mdzad/ sku tshe smad la dben gnas gsum gyi sgo la zangs dang dngul dang gser gsum gyis yi ge bris nas/ bdag mi dge ba'i bsam pa skyer 'jug na/ bdag lung du ma bstan gyi/ bsam pa skyer 'jug na/ bdag dge ba'i bsam pa kho na mi skye bstan gyi/ bsam pa skyer 'jug na/ bdag dge ba'i bsam pa kho na mi skye na/ rdo rje 'chang gis bdag gi mgo bo 'gems par gyur cig ces bya ba'i gi ge btab nas/ thugs dam thun bzhi'i rnal 'byor gyi dam bca' brtan po mdzad nas sgrub rgyud kyi bstan par dar zhing rgyas par mdzad do/ /paNDi ta dza na dha la zhus nas/ gso ba rig pa'i yan lag brgyad pa rtsa 'grel dang / nag po rgyud gsum la sogs pa mang po bsgyur ro/ /rin chen bzang po la slob ma log 'tsho ma 'dres pa bzhi ni/ lo chung legs pa'i shes rab spu rang pa/ bkra pa gzhon she/ kyi nor nya na/ snya nam gnya' nang pa mang nang du bzhugs pa gung shog brtson 'grus rgyal mtshan/ de bzhi la gnyal pa nyi ma shes rab kyis thug go/ /des sgur nyi ma lo'o/ /des kun tu dar ro/ /lha bla ma dang / lo chen gyi sku tshe'i gzhug la srong nge'i sras lhang nge gzigs bkra shis ldes/ kho char du dngul sku chen po bzhengs so/ /paNDi ta