de'i lcags ri gcig gi khongs na gnya?dzir btsugs pa'i lha khang drug cu rtsa bzhi yod do/ /de nas bstan pa 'phel zhing / the tshom gcod pa'i phyir stod mnga' ris bskor gsum na blo rno ba shes rig dang ldan pa'i byis pa rnams bsags nas/ de'i nang nas khyi'u nyi shu rtsa gcig mi lo bcu pa las mi rtan mi gzhon pa dbyug gu dang chu tshod kyis blo gros brtags te/ dang po gzhung 'dzin pa dang / de nas don spyod pa dang / mthar mnyam par 'jog pa la brtags te/ rab 'bring tha gsum du phye/ rab bdun/ g.yog bdun/ blo gros mgo 'don pa bdun re ste/ nyer gcig pha ma la nor gyis blus/ rgyal khrims btsan pas mi gtang dum btub nas/ de dag la gser phye phul gyis bshang te bskur nas/ rgyal po la phyag rten dang / chos kyi zhu rten gyis la/ rgya gar nas nyi zla ltar grags pa'i 'dus pa rnam gnyis dang / shar phyogs nas paNDi ta dharma pa la dang / kha che nas rin chen sde la sogs kapa la gser la ma rtseg par mang du phul la spyan drongs las shog ces bka' bsgos te brdzangs pas/ bcu dgu tshad pas shi/ zhang zhung gi lha bzo rin chen bzang po dang / spu rang gi lo chung legs pa'i shes rab gnyis las/ bod la gzhan tshos phan thogs pa ma byung / lo chen lo chung gnyis mkhas par gyur te/ de gnyis kyis dang po kho char du byon/ sgra legs par sbyangs/ tsan dha ha ri la la gsang ba 'dus pa lugs gnyis zhus/ 'jig rten gsum snang gi dkyil 'khor du lan bdun zhugs pas mos pas me tog 'jam dpal la phog lo tsA ba gnyis rgya gar du lan gsum byon no/ /rnal 'byor gyi rgyud de gnyis nyid 'dus pa dang / dpal mchog dang po dang / rdo rje rtse mo dang / rdo rje 'byung ba dang 'grel pa ko sa la'i rgyan zhus/ dpe cha rnams bsnams nas byon/ rnal 'byor gyi rgyud la sngags pa gsar mar gyur nas/ chos kyi 'phongs pa la/ de gnyis nyid 'dus pa la byas/ ko sa las gtan la 'bebs byed byas/ chos ma yar bu yar bsdebs nas bshad do/ /de'i dus su mnga' ris stod du/ lung bshad shin tu dar bar byung ba la/ rdo rje 'byung ba tsan ches nas ma rdzogs/ gtsug dgu yod pa thos nas lha khang rnying pa kun tu dpe cha 'tshol du btang bas ma rnyed/ lo chung la bsdus pa gsungs pas/ rdo rje chos kyi sgrub thabs che ba lha bcu gcig pa dang / chung ba lha bcu gsum pa dang / phyis 'grel pa stod 'gyur nas gtsug dgu byung nas/ gnyis po de rnams mes bsregs so/ /lan gsum pa la dpal mchog hong kong can bsgyur ro/ /gsum pa la rngog rin chen rgyal mtshan yul dbus pa/ lte ba gung thang du bcad pa lo tsA ldab ldib shes pa gcig gis bal yul bhi ha ri'i gtsug lag khang nas rnyed zer nas/ stod 'grel rdo rje 'byung ba/ khams gsum rnam rgyal/ gtsug dgu'i cho ga'i dkyil 'khor cho ga rnams kyi rgya dpe rnams phul nas/ gsang ba 'dus pa ye shes zhabs lugs kyi dbang bskur dang chos rnams zhu zer bas dgyes te/ de ma thag gnang nas/ ghang gha dar ra dang / bi dza ya shrI bha dra dang / su pa shI ta dang / dharma shrI mi tra dang / ka ma la gu ta dang / g.ya' a nan ta dang / ku ma ra shrI dang / dznyA na shrI dang / a ma ra dza Na Da dang / sha ya shrI dang / dha na shI la dang / de rnams kyis dpe cha bsnams nas byon no/ /maya yul sum