sum pa shrI spyan drangs so/ /lha lde la sras gsum/ lha byang chub 'od/ zhi ba 'od/ lha zhal/ lha zhal gyis rgyal srid chos la phul nas rab tu byung ngo / /de gsum gyis lha khang bzhengs pa spu rang du tsha ba sgang / gu ger mang nang dang sde gsar yil chog ru la sogs pa'o/ /khong gis lo tsA yang mkhyen/ zhi ba 'od kyis kha che'i paNDi ta dha na ta la spyan drangs nas dus 'khor bsgyur/ skad gsar bcad byas/ rdo rje 'phreng ba bsgyur/ des rwa dge slong blo gros snying po dang / rab zhi bshes gnyen/ khyung po chos kyi brtson 'grus/ mtshur la dkar si ti/ gro ser dkar shAkya 'od/ mang nang grags 'byor shes rab/ mtshur dbyig rgyal mtshan/ sum pa dar ma yon tan/ spu rigs pa tshul khrims gzhon nu la'o/ /lha lde la sras gsum/ byang chub 'od/ zhi ba 'od/ 'od lde dang gsum yin/ byang chub 'od kyi thugs dgongs la/ chos thog tu chosartsa 'grel sdeb/ rang gi shes rab kyis gzhal nas/ slob dpon mi dgos zer zhing gzhung la rtsal bshad byed/ nyams len ni shin tu zhan pa'i dus/ bod kyi rgyal khams la phan gdags par dgongs nas phan gang che bsams pas chos lung med la byin rlabs mi 'byung bas/ paNDi ta mkhas pa bzang ba zhig spyan drangs na phan che bar 'dug bsams pas/ gung thang pa tshul khrims rgyal ba la sogs pa mi lnga la gser srang gsum cu rtsa gnyis dang / gser ling pa gcig bskur nas pho nyar btang ste/ nyang stod stag tshal ba/ khum bu yul pa lo tsA ba/ rgya brtson 'grus seng ge la dpon bgyis nas/ rgya gar shar phyogs za hor gyi yul na rgyal po dge ba dpal gyi sras rgya gar yul dbus ma ga dha rdo rje gdan na/ 'bri ka ma la shi la dang / dpal na len dra'i gtsug lag khang du rig pa'i gnas lnga la legs par sbyangs pa/ mkhas pa chen por gyur pa/ theg pa gsum gyi brtul zhugs la legs par gnas pa/ sgrub pa phun sum tshogs la nan tan mdzad pa thams cad mkhyen pa nyid gnyis pa lta bu rje di baMka ra shrI dznyA na zhes bya ba/ 'bri ka ma la shi la na/ paNDi ta sum cu rtsa gnyis bzhugs pa'i nang nas mkhas shing grub pas brgyan pa de la/ bod kyi btsad po byang chub sems dpa'i slob dpon du zhu rten phul nas zhus pas/ ngas brtag pa gcig bya gsungs nas/ do kyer gyi lha khang gi mkha' 'gro mas kyang bod la phan thogs par lung bstan/ jo mo sgrol ma'i zhal nas kyang u pa si ka dge bsnyen gcig la brten te bod kyi sems can la phan togs pa gcig yong bar 'dug ces lung bstan/ bod du byon par zhal gyis bzhes nas/ bal yal thang bhe ha rir bzhugs/ gnas brtan la spyod bsdus gsungs/ de nas mang yul du 'phags pa'i drung du cung zhig bzhugs/ de nas gung thang du byon/ de nas spu rang du byon/ bsu ba byas/ tho ling du byon nas/ jo bos lha khang gi lha rnams la bstod pa mdzad do/ /der chags phab/ lha byang chub 'od kyis zhu rten du gser srang drug brgya phul nas thog mar zhu ba gsum byas te/ sangs rgyas kyi bstan pa la rim gyis 'jug pa lags sam/ cig car du 'jug pa lags sam/ phyi nang gi khyad par gang lags/ dge slong gi rdo rje sngags kyi dngos dbang gong ma rnam gnyis blang du rung mi rung zhus pas/ rim gyis yin gsungs nas/ lam rim lam sgron mdzad/ skyabs 'gro dang / lta ba bka' btags kyi phyag